ನಜಾತುಸ್ಸ್ವಿಬ್’ಯಾನ್ ಆನ್ ಲೈನ್ ಕ್ಲಾಸ್ ಪ್ರಾರಂಭ

ಉಳ್ಳಾಲ: ಅಲ್ ಮಸ್ಜಿದುಲ್ ಜಾಮಿಉಲ್ ಅಮೀನ್ ಅಳೇಕಲ ಉಳ್ಳಾಲ ಇದರ ಅದೀನದಲ್ಲಿರುವ ನಜಾತುಸ್ಸ್ವಿಬ್’ಯಾನ್ ಮದ್ರಸ ಅಳೇಕಲ ಇದರ ಆನ್ ಲೈನ್ ಕ್ಲಾಸ್ ಉದ್ಘಾಟನಾ ಸಮಾರಂಭವು, ದಿನಾಂಕ 24-6-2020 ರಂದು ಬೆಳಿಗ್ಗೆ 6:30 ಕ್ಕೆ ಅಲ್ ಮಸ್ಜಿದುಲ್ ಜಾಮಿಉಲ್ ಅಮೀನ್ ಕಛೇರಿಯಲ್ಲಿ ಪಟ್ಟಾಂಬಿ ಉಸ್ತಾದರ ದುಆದೊಂದಿಗೆ ಚಾಲನೆಗೊಂಡಿತು.

ಅಧ್ಯಕ್ಷತೆ ವಹಿಸಿ ಮಾತನಾಡಿದ ಅಧ್ಯಕ್ಷರಾದ ಮುಹಮ್ಮದ್ ಶಿಹಾಬುದ್ದೀನ್ ಸಖಾಫಿಯವರು,
ಕೋವಿಡ್ 19 ಹಿನ್ನೆಲೆಯಲ್ಲಿ ಆನ್ ಲೈನ್ ಕ್ಲಾಸ್ ಪ್ರಾಮುಖ್ಯತೆ, ಪ್ರಯೋಜನ ಮತ್ತು ಅದರ ಪ್ರಾಯೋಗಿಕತೆ ಬಗ್ಗೆ ವಿವರಿಸಿದರು.
ನಂತರ ಮಾತನಾಡಿದ ಖತೀಬರಾದ ಪಟ್ಟಾಂಬಿ ಉಸ್ತಾದ್ ಪ್ರಸ್ತುತ ಆನ್ ಲೈನ್ ಕ್ಲಾಸನ್ನು ವಿದ್ಯಾರ್ಥಿಗಳು ಮತ್ತು ಪೋಷಕರು ಸದುಪಯೋಗ ಪಡಿಸಿಕೊಳ್ಳಬೇಕೆಂದು ಕರೆ ನೀಡಿದರು.
ಸದರ್ ಉಸ್ತಾದ್ ಸದ್ರಿ ಕ್ಲಾಸ್ ಗಳ ಬಳಕೆ ಬಗ್ಗೆ ಸಾಂದರ್ಭಿಕ ಮತ್ತು ಪ್ರಾಯೋಗಿಕ ಮಾಹಿತಿ ನೀಡಿದರು.

ಆಡಳಿತ ಸಮಿತಿ ಪ್ರಧಾನ ಕಾರ್ಯದರ್ಶಿ ಫಾರೂಕ್ ಹಾಜಿ, ಸದಸ್ಯರಾದ ಸಯ್ಯಿದ್ ಜಲಾಲುದ್ದೀನ್ ತಂಙಳ್ ,ಮದ್ರಸಾ ಸಂಚಾಲಕರಾದ ರಿಯಾಝ್ ಪುಲ್ಯಡಿ ಉಪಸ್ಥಿತರಿದ್ದರು.ಕಾರ್ಯದರ್ಶಿ ಜಾಫರ್ ಯು.ಎಸ್ ಕಾರ್ಯಕ್ರಮ ಸ್ವಾಗತಿಸಿ, ವಂದಿಸಿದರು.