ಸಾರ್ವಜನಿಕ ವಲಯಕ್ಕೆ ಈದ್ ಅಲ್-ಫಿತರ್ ನಿಮಿತ್ತ ಏಳು ದಿನಗಳ ರಜೆ ಘೋಷಣೆ

ದೋಹಾ: ಈದ್ ಅಲ್-ಫಿತರ್ ಪ್ರಯುಕ್ತ ಖತರ್ ಸರ್ಕಾರವು ಸಾರ್ವಜನಿಕ ವಲಯಕ್ಕೆ ಏಳು ದಿನಗಳ ರಜೆಯನ್ನು ಘೋಷಿಸಿದೆ. ರಜೆಯು ಮಾರ್ಚ್ 17 ರಂದು ಆರಂಭವಾಗಿ ಮಾರ್ಚ್ 23 ರಂದು ಕೊನೆಗೊಳ್ಳಲಿದೆ. ಮಾರ್ಚ್ 24 ರಿಂದ ಕೆಲಸಗಳು ಪುನರಾರಂಭವಾಗಲಿವೆ.

ಅಮೀರಿ ದಿವಾನ್ ಈ ರಜೆಯನ್ನು ಘೋಷಿಸಿದ್ದು, ಮಂತ್ರಾಲಯಗಳು, ಇತರ ಸರ್ಕಾರಿ ಸಂಸ್ಥೆಗಳು ಮತ್ತು ಸಾರ್ವಜನಿಕ ಪ್ರಾಧಿಕಾರಗಳಿಗೆ ಈ ರಜೆ ಅನ್ವಯವಾಗಲಿದೆ ಎಂದು ತಿಳಿಸಿದೆ. ಈ ಎಲ್ಲಾ ಸಂಸ್ಥೆಗಳ ಉದ್ಯೋಗಿಗಳು ಮಾರ್ಚ್ 24 ರಂದು ಮರಳಿ ಕೆಲಸಕ್ಕೆ ಹಾಜರಾಗಲಿದ್ದಾರೆ ಎಂದು ಅಮೀರಿ ದಿವಾನ್ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.

ಖತರ್ ಸೆಂಟ್ರಲ್ ಬ್ಯಾಂಕ್, ಬ್ಯಾಂಕ್ ನಿಯಂತ್ರಿತ ಹಣಕಾಸು ಸಂಸ್ಥೆಗಳು ಮತ್ತು ಖತರ್ ಫೈನಾನ್ಷಿಯಲ್ ಮಾರ್ಕೆಟ್ಸ್ ಅಥಾರಿಟಿ ಹಾಗೂ ಅದರ ಉಸ್ತುವಾರಿಯಲ್ಲಿರುವ ಸಂಸ್ಥೆಗಳ ರಜೆ ದಿನಾಂಕಗಳನ್ನು ಸೆಂಟ್ರಲ್ ಬ್ಯಾಂಕ್ ಗವರ್ನರ್ ಅವರು ಪ್ರತ್ಯೇಕವಾಗಿ ನಿರ್ಧರಿಸಲಿದ್ದಾರೆ ಎಂದು ಪ್ರಕಟಣೆ ತಿಳಿಸಿದೆ.