ತಾಯಿಫ್‌ನಲ್ಲಿರುವ ಅಲ್ ಹದಾ ರಸ್ತೆ- ಗುರುವಾರದಿಂದ ಸಂಚಾರಕ್ಕೆ ಮುಕ್ತ

ರಿಯಾದ್: ತಾಯಿಫ್‌ನಲ್ಲಿರುವ ಅಲ್ ಹದಾ ರಸ್ತೆ ಗುರುವಾರದಿಂದ ಸಂಚಾರಕ್ಕೆ ಮುಕ್ತವಾಗಲಿದೆ. ಇದನ್ನು Roads General Authority (ರಸ್ತೆಗಳ ಸಾಮಾನ್ಯ ಪ್ರಾಧಿಕಾರ) ಘೋಷಿಸಿದೆ. ಪ್ರಯಾಣಿಕರು ಗುರುವಾರ ಸಂಜೆ 5 ಗಂಟೆಯಿಂದ ಈ ರಸ್ತೆಯನ್ನು ಬಳಸಬಹುದಾಗಿದೆ. ದುರಸ್ತಿ ಕಾಮಗಾರಿ ನಿಮಿತ್ತ ಎರಡು ತಿಂಗಳಿನಿಂದ ಅಲ್ ಹದಾ ರಸ್ತೆಯನ್ನು ಮುಚ್ಚಲಾಗಿತ್ತು.

ರಸ್ತೆಯ ಸುರಕ್ಷತೆ, ಗುಣಮಟ್ಟ ಮತ್ತು ದಕ್ಷತೆಯನ್ನು ಹೆಚ್ಚಿಸುವ ಗುರಿಯನ್ನು ದುರಸ್ತಿ ಹೊಂದಿದೆ. ದೇಶದ ಮೂಲಸೌಕರ್ಯವನ್ನು ಅಭಿವೃದ್ಧಿಪಡಿಸುವ ಮತ್ತು ರಸ್ತೆ ಸುರಕ್ಷತಾ ಮಾನದಂಡಗಳನ್ನು ಹೆಚ್ಚಿಸುವ ಪ್ರಯತ್ನಗಳ ಭಾಗವಾಗಿ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ರಸ್ತೆಗಳ ಸಾಮಾನ್ಯ ಪ್ರಾಧಿಕಾರದ ಅಧಿಕಾರಿಗಳು ತಿಳಿಸಿದ್ದಾರೆ. ಜನವರಿ 1 ರಂದು ದುರಸ್ತಿಗಾಗಿ ಅಲ್ ಹದಾ ರಸ್ತೆಯನ್ನು ತಾತ್ಕಾಲಿಕವಾಗಿ ಮುಚ್ಚಲಾಗಿತ್ತು.