ಜಿದ್ದಾ: ಉಮ್ರಾ ಯಾತ್ರಿಕರು ಲಸಿಕೆ ಹಾಕಿಸಿಕೊಳ್ಳಬೇಕು ಎಂದು ಈ ಹಿಂದೆ ಹೊರಡಿಸಲಾದ ಸುತ್ತೋಲೆಯನ್ನು ನಾಗರಿಕ ವಿಮಾನಯಾನ ಜನರಲ್ ಅಥಾರಿಟಿ (GACA) ರದ್ದುಗೊಳಿಸಿದೆ. ಇದರೊಂದಿಗೆ ಉಮ್ರಾ ಯಾತ್ರಿಕರು ನಿರಾಳರಾಗಿದ್ದಾರೆ.
ಈ ಬಗ್ಗೆ GACA ಖಾಸಗಿ ವಿಮಾನಯಾನ ಸಂಸ್ಥೆಗಳು ಸೇರಿದಂತೆ ಸೌದಿ ಅರೇಬಿಯಾದ ವಿಮಾನ ನಿಲ್ದಾಣಗಳಲ್ಲಿ ಸೇವೆಗಳನ್ನು ನಿರ್ವಹಿಸುವ ಎಲ್ಲಾ ಕಂಪನಿಗಳಿಗೆ ಹೊಸ ಸುತ್ತೋಲೆಯೊಂದನ್ನು ಕಳುಹಿಸಿದೆ.
ದಿನಾಂಕ 07/1/2025 ರಂದು ಹೊರಡಿಸಲಾದ ಸುತ್ತೋಲೆ ಸಂಖ್ಯೆ (2/15597) ಯಲ್ಲಿ ಒಳಪಡಿಲಾದ ಉಮ್ರಾ ಯಾತ್ರಿಕರು ಕಡ್ಡಾಯವಾಗಿ ನೈಸೆರಿಯಾ ಮೆನಿಂಜೈಟಿಸ್ ಲಸಿಕೆ ಪಡೆದಿರಬೇಕೆಂಬ ಉಲ್ಲೇಖವನ್ನು ಅಮಾನತುಗೊಳಿಸಲಾಗಿದೆ ಎಂದು ಹೊಸ ಸುತ್ತೋಲೆಯಲ್ಲಿ ತಿಳಿಸಲಾಗಿದೆ.
ಫೆಬ್ರುವರಿ ಒಂದರಿಂದ ಆರಂಭಗೊಳ್ಳುವಂತೆ ಸೌದಿಗೆ ಪ್ರವೇಶಿಸುವ ಕನಿಷ್ಠ 10 ದಿನಗಳ ಮುಂಚಿತವಾಗಿ ಲಸಿಕೆ ಪಡೆದಿರಬೇಕೆಂದು ಈ ಹಿಂದೆ ತಿಳಿಸಲಾಗಿತ್ತು.
ಪ್ರಯಾಣಿಕರು ನೈಸೆರಿಯಾ ಮೆನಿಂಜೈಟಿಸ್ ಸೇರಿದಂತೆ ಅಗತ್ಯವಿರುವ ಎಲ್ಲಾ ವ್ಯಾಕ್ಸಿನೇಷನ್‌ಗಳನ್ನು ಸ್ವೀಕರಿಸಿದ್ದಾರೆ ಎಂದು ಖಚಿತಪಡಿಸಿಕೊಳ್ಳಲು ಮತ್ತು ಆರೋಗ್ಯ ಸಚಿವಾಲಯದ ವೆಬ್‌ಸೈಟ್‌ನಲ್ಲಿ ಜಾಹೀರಾತು ಮಾಡಲಾದ ಆರೋಗ್ಯ ಪರಿಸ್ಥಿತಿಗಳನ್ನು ಅನುಸರಿಸಲು ಉಮ್ರಾ ವೀಸಾದಲ್ಲಿ ಬರುವ ಪ್ರಯಾಣಿಕರಿಗೆ ಮತ್ತು ಉಮ್ರಾ ನಿರ್ವಹಿಸಲು ಬಯಸುವ ಇತರ ವೀಸಾಗಳಲ್ಲಿ ಸೌದಿ ಅರೇಬಿಯಾಕ್ಕೆ ಬರುವ ಪ್ರಯಾಣಿಕರಿಗೆ ವಿಮಾನಯಾನ ಸಂಸ್ಥೆಗಳು ಕಡ್ಡಾಯವಾಗಿ ತಿಳಿಸಬೇಕೆಂದು ಈ ಹಿಂದೆ ಹೊರಡಿಸಲಾಗಿದ್ದ ಸುತ್ತೋಲೆಯಲ್ಲಿ ತಿಳಿಸಲಾಗಿತ್ತು.
Very informative news.