ಯುಎಇ: ಲಸಿಕೆ ಪಡೆದವರಿಗೆ ಭಾರತಕ್ಕೆ ಪ್ರಯಾಣಿಸಲು ಆರ್‌ಟಿ ಪಿಸಿಆರ್ ಪರೀಕ್ಷೆ ಅಗತ್ಯವಿಲ್ಲ

ಅಬುಧಾಬಿ: ಭಾರತದಿಂದ ಎರಡು ಡೋಸ್ ಕೋವಿಡ್ ಲಸಿಕೆ ಪಡೆದು ಯುಎಇ ಯಲ್ಲಿದ್ದು, ಮರಳಿ ಭಾರತಕ್ಕೆ ಪ್ರಯಾಣಿಸುವವರಿಗೆ ಏರ್ ಇಂಡಿಯಾ ಎಕ್ಸ್‌ಪ್ರೆಸ್  ಆರ್‌ಟಿ ಪಿಸಿಆರ್ ಪರೀಕ್ಷೆಯನ್ನು ಮನ್ನಾ ಮಾಡಿದೆ. ಭಾರತದಿಂದ ಎರಡು ಡೋಸ್ ವ್ಯಾಕ್ಸಿನ್ ಪಡೆದವರಿಗೆ ಈ  ವಿನಾಯಿತಿ ನೀಡಲಾಗಿದೆ. ಇದು ತಿಂಗಳ ಮಟ್ಟಿಗೆ ಸಂದರ್ಶಕ ವೀಸಾದಲ್ಲಿ ತೆರಳಿ, ಊರಿಗೆ ಮರಳುವವರಿಗೆ ಪ್ರಯೋಜನಕಾರಿಯಾಗಲಿದೆ.

ಈ ಸಂಬಂಧ ಏರ್ ಇಂಡಿಯಾ ಎಕ್ಸ್ ಪ್ರೆಸ್ ಮತ್ತು ಏರ್ ಇಂಡಿಯಾ ನೋಟಿಸ್ ಜಾರಿ ಮಾಡಿದೆ. ಇದು ಏರ್ ಇಂಡಿಯಾ, ಏರ್ ಇಂಡಿಯಾ ಎಕ್ಸ್‌ಪ್ರೆಸ್, ಗೋ ಏರ್, ಸ್ಪೈಸ್‌ಜೆಟ್ ಮತ್ತು ಇಂಡಿಗೋ ಮೂಲಕ ಯುಎಇ -ಭಾರತ ಪ್ರಯಾಣಿಕರಿಗೆ ಹೊಸ ಮಾರ್ಗಸೂಚಿಗಳಲ್ಲಿ ಇದನ್ನು  ಉಲ್ಲೇಖಿಸಲಾಗಿದೆ. ಆದರೆ ಯುಎಇ ವಿಮಾನ ಕಂಪೆನಿಗಳಾದ, ಎಮಿರೇಟ್ಸ್, ಇತ್ತಿಹಾದ್, ಫ್ಲೈದುಬೈ, ಏರ್ ಅರೇಬಿಯಾ ಇವುಗಳಿಂದ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ.

ಪ್ರಯಾಣಿಕರು ಭಾರತದಿಂದ ಪಡೆದ ಕೋವಿಡ್ ವ್ಯಾಕ್ಸಿನೇಷನ್ ಪ್ರಮಾಣಪತ್ರವನ್ನು ಏರ್ ಸುವಿಧಾ ಪೋರ್ಟಲ್‌ನಲ್ಲಿ ಅಪ್‌ಲೋಡ್ ಮಾಡಬೇಕಾಗುತ್ತದೆ. ಯುಎಇಯಿಂದ ಲಸಿಕೆ ಸ್ವೀಕರಿಸಿದವರು ಭಾರತಕ್ಕೆ ಪ್ರಯಾಣಿಸುವ 72 ಗಂಟೆಗಳ ಒಳಗೆ ತೆಗೆದುಕೊಂಡ ಪಿಸಿಆರ್ ಪರೀಕ್ಷೆಯ ನಕಾರಾತ್ಮಕ ಫಲಿತಾಂಶವನ್ನು ಪ್ರಸ್ತುತಪಡಿಸುವ ಅಗತ್ಯವಿದೆ. ಎಲ್ಲಾ ಪ್ರಯಾಣಿಕರು 14-ದಿನಗಳ ಪ್ರಯಾಣದ ಮಾಹಿತಿಯನ್ನು ಒಳಗೊಂಡಂತೆ ಹೊರಡುವ ಮೊದಲು ಫಾರ್ಮ್ ಭರ್ತಿಮಾಡಿ  ಏರ್ ಸುವಿಧಾ ಪೋರ್ಟಲ್‌ಗೆ ಅಪ್‌ಲೋಡ್ ಮಾಡಬೇಕಾಗುತ್ತದೆ.

#FlyWithIX: Attention passengers travelling from UAE to India!@cgidubai @IndembAbuDhabi pic.twitter.com/o7HfLkkp9D

— Air India Express (@FlyWithIX) February 19, 2022