ದುಬೈ: ಭಾರತೀಯರಿಗೆ ಶೀಘ್ರದಲ್ಲೇ ಯುಎಇಗೆ ಸಂದರ್ಶಕ ವೀಸಾಗಳಲ್ಲಿ ನೇರ ಪ್ರಯಾಣ ಸಾಧ್ಯವಾಗಲಿದೆ. ಈ ಬಗ್ಗೆ ದುಬೈ ಇಂಡಿಯನ್ ಕಾನ್ಸುಲೇಟ್ ಸೂಚನೆ ನೀಡಿದೆ. ಈ ತಿಂಗಳ ಅಂತ್ಯದ ವೇಳೆಗೆ ಪ್ರಯಾಣ ನಿರ್ಬಂಧಗಳು ಮತ್ತಷ್ಟು ಸಡಿಲಿಕೆಗೊಳ್ಳಲಿದೆ.
ಪ್ರಸ್ತುತ, ಭಾರತದಿಂದ ಬೇರೆ ದೇಶಗಳ ಮೂಲಕ ಸಂದರ್ಶಕರ ವೀಸಾಗಳಲ್ಲಿ ದುಬೈಗೆ ಆಗಮಿಸಬಹುದು.ಬೇರೆ ದೇಶದಲ್ಲಿ 14 ದಿನಗಳ ಕಾಲ ಉಳಿದು ದುಬೈಗೆ ಪ್ರವೇಶಿಸಲು ಅವಕಾಶ ನೀಡಲಾಗುತ್ತದೆ.
ನಿರ್ಗಮನದ ಮೊದಲು GDRFA ಅನುಮತಿ ಪಡೆದಿರಬೇಕು.ನಿರ್ಗಮಿಸುವ ದೇಶದಿಂದ 48 ಗಂಟೆಗಳಲ್ಲಿನ ಪಿಸಿಆರ್ ಪರೀಕ್ಷಾ ಫಲಿತಾಂಶವನ್ನು ಹೊಂದಿರಬೇಕು. ಪ್ರಯಾಣದ 6 ಗಂಟೆಗಳ ಒಳಗೆ ತೆಗೆದುಕೊಳ್ಳಲಾದ ರಾಪಿಡ್ ಪಿಸಿಆರ್ ಪರೀಕ್ಷೆಯೂ ಕಡ್ಡಾಯವಾಗಿದೆ.
ಭಾರತದಿಂದ ಕೋವಿಶೀಲ್ಡ್ ಸೇರಿದಂತೆ ಯುಎಇ ಅನುಮೋದಿತ ಲಸಿಕೆಗಳನ್ನು ಪಡೆದ ನಿವಾಸ ವಿಸಾ ಹೊಂದಿರುವವರಿಗೆ ಈಗಾಗಲೇ ಯುಎಇಗೆ ಮರಳಲು ಅವಕಾಶ ನೀಡಲಾಗಿದೆ.