ರಿಯಾದ್: ಸೌದಿ ಅರೇಬಿಯಾದಲ್ಲಿ ಪ್ರವಾಸಿ ವೀಸಾಗಳ ನವೀಕರಣ ಕ್ರಮವು ಜಾರಿಗೆ ಬಂದಿದೆ. ಆರೋಗ್ಯ ವಿಮೆ ಮತ್ತು ವೀಸಾ ಶುಲ್ಕವನ್ನು ಪಾವತಿಸಿದವರು ಅಬ್ಶೀರ್ ಪೋರ್ಟಲ್ ಮೂಲಕ ನವೀಕರಿಸಬಹುದು. ಈ ಕ್ರಮವು ವಿದೇಶಿಯರಿಗೆ ವರದಾನವಾಗಿದೆ.
ಒಂದು ವರ್ಷದ ಮಲ್ಟಿಪಲ್ ವೀಸಾ ಹೊಂದಿರುವವರು ದೇಶವನ್ನು ತೊರೆಯದೆ ವೀಸಾ ನವೀಕರಣ ಮಾಡುವ ಕಾರ್ಯ ವಿಧಾನಗಳು ಈಗ ಜಾರಿಯಲ್ಲಿವೆ. ಪ್ರಸಕ್ತ ನಿಯಮಗಳ ಪ್ರಕಾರ, 6 ರಿಂದ ಒಂಬತ್ತು ತಿಂಗಳವರೆಗೆ ವೀಸಾ ನವೀಕರಣಕ್ಕೆ ದೇಶ ತೊರೆದು ಮರಳಿ ಬರುವುದು ಕಡ್ಡಾಯವಾಗಿತ್ತು. ಆದರೆ ಕೋವಿಡ್ 19 ಕಾಯಿಲೆಯ ಹಿನ್ನೆಲೆಯಲ್ಲಿ, ಅನೇಕ ವಿದೇಶಿಯರು ವೀಸಾವನ್ನು ನವೀಕರಿಸಲು ಹೆಣಗಾಡಿದ್ದಾರೆ. ಕಾರಣ ಅಲ್ಲಿ ಅಂತರ್ರಾಷ್ಟ್ರೀಯ ವಿಮಾನಯಾನಗಳನ್ನು ಸ್ಥಗಿತಗೊಳಿಸಲಾಗಿದ್ದು, ದೇಶದ ಗಡಿಗಳನ್ನು ಬಂದ್ ಮಾಡಲಾಗಿದೆ ಮತ್ತು ಪ್ರಯಾಣ ನಿಷೇಧವನ್ನು ವಿಧಿಸಲಾಗಿದೆ.
ಈ ಸನ್ನಿವೇಶದಲ್ಲಿ ಸೌದಿ ಪಾಸ್ಪೋರ್ಟ್ ಇಲಾಖೆಯು ಅಬ್ಷೀರ್ ಆನ್ಲೈನ್ ಪೋರ್ಟಲ್ ಮೂಲಕ ಬಹು ಸಂದರ್ಶಕರ ವೀಸಾಗಳನ್ನು ನವೀಕರಿಸಲು ಅನುಮೋದನೆ ನೀಡಿದೆ. ಆರೋಗ್ಯ ವಿಮೆ ಆನ್ಲೈನ್ ಮೂಲಕ ನವೀಕರಿಸಿದ ನಂತರ, ಮೂರು ತಿಂಗಳ ವೀಸಾ ಶುಲ್ಕವಾಗಿ 100 ರಿಯಾಲ್ ಪಾವತಿಸಬೇಕು. ನಂತರ ಅಬ್ಶೀರ್ ಮೂಲಕ ಮೂರು ತಿಂಗಳ ಕಾಲ ವೀಸಾ ನವೀಕರಣ ಮಾಡಬಹುದಾಗಿದೆ. ವೀಸಾ ಅವಧಿ ಮುಗಿಯುವ ಏಳು ದಿನಗಳ ಮೊದಲು ಮತ್ತು ಮುಕ್ತಾಯ ದಿನಾಂಕ ಬಳಿಕ ಮೂರು ದಿನಗಳವರೆಗೆ ವೀಸಾ ನವೀಕರಣಗಳನ್ನು ಅನುಮತಿಸಲಾಗಿದೆ.















ಇನ್ನಷ್ಟು ಸುದ್ದಿಗಳು
ಸೌದಿಯಲ್ಲಿ ನಕಲಿ ದಾಖಲೆ ದೃಢೀಕರಣ ಜಾಲ: ಭಾರತೀಯ ರಾಯಭಾರ ಕಚೇರಿಯಿಂದ ಎಚ್ಚರಿಕೆ
ವಿಮಾನಯಾನ ರದ್ದತಿಯಿಂದ ಅತಂತ್ರರಾದ ಉಮ್ರಾ ಯಾತ್ರಾರ್ಥಿಗಳು- DKSCಯಿಂದ ಮಾನವೀಯ ನೆರವು
ವಲಸಿಗರಿಗೆ ಶುಭ ಸುದ್ದಿ: ಜಿದ್ದಾ–ಕೋಝಿಕ್ಕೋಡ್ ನಡುವೆ ಫ್ಲೈನಾಸ್ ನೇರ ವಿಮಾನ ಸೇವೆ ಆರಂಭ
ರಿಯಾದ್ ವಿಮಾನ ನಿಲ್ದಾಣ ಬಂದ್: ಪರ್ಯಾಯ ಪ್ರಯಾಣ ಮಾರ್ಗದಲ್ಲೂ ಟಿಕೆಟ್ ದರ ಏರಿಕೆ
ಸೌದಿ: ಸಿಲುಕಿರುವ ಯಾತ್ರಿಕರ ವಾಪಸಾತಿಗೆ ರಾಯಭಾರ ಕಚೇರಿ ತೀವ್ರ ಕಾರ್ಯಾಚರಣೆ
ಯುಎಇ : ನಾಲ್ಕು ಪಾಸ್ಪೋರ್ಟ್ ಸೇವಾ ಕೇಂದ್ರಗಳು ಇಂದಿನಿಂದ ಸ್ಥಗಿತ- ರಾಯಭಾರ ಕಚೇರಿ
ಉಮ್ರಾ ಯಾತ್ರಿಕರ ವಾಪಸಾತಿಗೆ ಪರ್ಯಾಯ ವಿಮಾನ ವ್ಯವಸ್ಥೆ ಕಲ್ಪಿಸಬೇಕು- ರಾಯಭಾರ ಕಚೇರಿ
ರಿಯಾದ್, ಜಿದ್ದಾ ವಿಮಾನ ಸೇವೆಗಳು ಅಕ್ಟೋಬರ್ 27ರವರೆಗೆ ಸ್ಥಗಿತ
ಧರ್ಮ ನಿಂದನೆ ದೂರು: ಯುವಕನ ಮರಣದಂಡನೆಯನ್ನು ರದ್ದುಗೊಳಿಸಿದ ಸೌದಿ ಸುಪ್ರೀಂ ಕೋರ್ಟ್
ಸೌದಿ ವಿಮಾನ ಸೇವೆ ಸ್ಥಗಿತ: ವೀಸಾ ಅವಧಿ ಮೀರಿದವರಿಗೆ ದಂಡವಿಲ್ಲದೆ ನಿರ್ಗಮನಕ್ಕೆ ಅವಕಾಶ- ಭಾರತೀಯ ರಾಯಭಾರ ಕಚೇರಿ