ಕಾಲಾವಧಿ ಮುಗಿದ ವೀಸಾ ಏ.1ರಿಂದ 3 ತಿಂಗಳಿಗೆ ದಂಡ ರಹಿತ ನವೀಕರಣ

ದುಬೈ: ಮಾರ್ಚ್ ಒಂದರ ಬಳಿಕ ಕಾಲಾವಧಿ ಮುಗಿದ ಯುಎಇ ವಿಸಾ ಹೊಂದಿರುವವರಿಗೆ ಎಪ್ರಿಲ್ ಒಂದರಿಂದ ಮೂರು ತಿಂಗಳ ವರೆಗೆ ದಂಡ ಪಾವತಿಸದೆ ನವೀಕರಣ ಮಾಡಬಹುದಾಗಿದೆ. ಈ ಕುರಿತ ಕರಡು ರೇಖೆಯನ್ನು ಅಲ್ಲಿನ ಸಚಿವಾಲಯ ಅಂಗೀಕರಿಸಿದೆ.

ಯುಎಇಯಲ್ಲಿ ಕೊರೋನ ಹರಡುತ್ತಿರುವ ಹಿನ್ನೆಲೆಯಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ ಎನ್ನಲಾಗಿದೆ.ಎಮಿರೇಟ್ಸ್ ಐಡಿ, ಡಾಕ್ಯುಮೆಂಟ್ಸ್, ಪರ್ಮಿಟ್, ಲೈಸೆನ್ಸ್, ವ್ಯವಹಾರಿಕ ನೋಂದಣಿಗಳು ಮತ್ತಿತರ ಎಲ್ಲ ಫೆಡರಲ್ ಸರಕಾರಿ ಸೇವೆಗಳ ನವೀಕರಣಕ್ಕೂ ಇದು ಅನ್ವಯವಾಗಲಿದೆ.