ಸೌದಿ: ಕರೆನ್ಸಿ ವಹಿವಾಟಿಗೆ ನಿಯಂತ್ರಣ- ಮದಾ ಕಾರ್ಡ್ ಬಳಕೆಗೆ ಹೆಚ್ಚಿನ ಸೌಕರ್ಯ

ರಿಯಾದ್: ಕರೋನ ವೈರಸ್ ಹರಡುತ್ತಿರುವ ಹಿನ್ನೆಲೆಯಲ್ಲಿ ಅದನ್ನು ತಡೆಗಟ್ಟುವ ಕ್ರಮಗಳ ಭಾಗವಾಗಿ ಅಧಿಕಾರಿಗಳು ಕರೆನ್ಸಿ ವಹಿವಾಟನ್ನು ಮಿತಿಗೊಳಿಸಲು ಪ್ರಾರಂಭಿಸಿದ್ದಾರೆ. ಮದ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್‌ಗಳ ಬಳಸಿ, ರಹಸ್ಯ ಕೋಡ್ ನಮೂದಿಸದೆ ವಹಿವಾಟು ನಡೆಸಲು ಸೌಕರ್ಯ ಒದಗಿಸಲಾಗುವುದು.

ಪ್ರತೀ ಖರೀದಿಯ ಮಿತಿಯನ್ನು 100 ರಿಯಾಲ್‌ಗಳಿಂದ 300 ರಿಯಾಲ್‌ಗಳಿಗೆ ಹೆಚ್ಚಿಸಲು ಸೌದಿ ಅರೇಬಿಯನ್ ಹಣಕಾಸು ಪ್ರಾಧಿಕಾರ ನಿರ್ಧರಿಸಿದೆ. ಈ ಕುರಿತು ಸೌದಿ ಅರೇಬಿಯಾದ ಹಣಕಾಸು ಪ್ರಾಧಿಕಾರವು ದೇಶದ ಎಲ್ಲಾ ಬ್ಯಾಂಕುಗಳು ಮತ್ತು ಹಣಕಾಸು ಸಂಸ್ಥೆಗಳಿಗೆ ನಿರ್ದೇಶನ ನೀಡಿದೆ.

ಪ್ರಸ್ತುತ, ಸರಕುಗಳನ್ನು ಖರೀದಿಸುವಾಗ ಪಾಸ್‌ವರ್ಡ್ ನಮೂದಿಸದೆ ಪಾಯಿಂಟ್-ಆಫ್-ಸೇಲ್ ಸಾಧನಗಳಲ್ಲಿ ‘ಮದ’ ಬ್ಯಾಂಕ್ ಕಾರ್ಡ್‌ಗಳೊಂದಿಗೆ ಎನ್‌ಎಫ್‌ಸಿ ತಂತ್ರಜ್ಞಾನದ ಮೂಲಕ ಗರಿಷ್ಠ 100 ರಿಯಾಲ್‌ಗಳ ಪಾವತಿಗಳನ್ನು ಮಾತ್ರ ಮಾಡಬಹುದು.ಸುತ್ತೋಲೆಯ ಪ್ರಕಾರ, ಖರೀದಿ ಮಿತಿಯನ್ನು 300 ರಿಯಾಲ್‌ಗಳಿಗೆ ಏರಿಸಲಾಗುವುದು.

ಈ ನಿಟ್ಟಿನಲ್ಲಿ, ‘ಮದಾ’ ಪಾವತಿ ಕಾರ್ಡ್ಗೆ‌ ಸಪೋರ್ಟ್ ಮಾಡುವ ಎಲ್ಲಾ ಉಪಕರಣಗಳ ನವೀಕರಣವು ಪೂರ್ಣಗೊಳ್ಳುವವರೆಗೆ ಅವರ ವ್ಯವಸ್ಥೆಗಳು ಮತ್ತು ರಾಷ್ಟ್ರೀಯ ಮೂಲಸೌಕರ್ಯದ ಘಟಕಗಳಿಗೆ ಅಗತ್ಯವಾದ ತಾಂತ್ರಿಕ ಬದಲಾವಣೆಗಳನ್ನು ಕಾರ್ಯಗತಗೊಳಿಸಲು ‘ಸಾಮ’ ಸೂಚನೆ ನೀಡಿದೆ.