ವಿದೇಶೀಯರ ನೆಚ್ಚಿನ ನಗರಗಳ ಪೈಕಿ ಮಕ್ಕಾ ಮತ್ತು ಮದೀನಾ

ರಿಯಾದ್: ವಿದೇಶೀಯರಿಗೆ ಅತೀ ಹೆಚ್ಚು ಇಷ್ಟವಾದ ನಗರಗಳ ಪೈಕಿ ಮಕ್ಕಾ ಮತ್ತು ಮದೀನಾ ಸ್ಥಾನ ಪಡೆದಿದೆ. ವಿಶ್ವದಾದ್ಯಂತ ನಾನೂರಕ್ಕಿಂತಲೂ ಹೆಚ್ಚು ನಗರಗಳಿಂದ ಸಂದರ್ಶಕರು ಚುನಾಯಿಸಲ್ಪಟ್ಟ ನೂರು ನಗರಗಳಲ್ಲಿ ಮಕ್ಕಾ ಇಪ್ಪತ್ತನೇ ಸ್ಥಾನದಲ್ಲಿದ್ದು, ಇಪ್ಪತ್ತಮೂರನೇ ಸ್ಥಾನದಲ್ಲಿ ಮದೀನಾ ಇದೆ. ಹಾಂಗ್ಕಾಂಗ್ ಸಂದರ್ಶಕರಿಗೆ ಅತೀ ಹೆಚ್ಚು ಇಷ್ಟ ನಗರವಾಗಿದೆ.

ವಿಶ್ವದ ಪ್ರವಾಸಿ ತಾಣಗಳಲ್ಲಿನ ವ್ಯವಹಾರಗಳ ಕುರಿತು ಅಧ್ಯಯನ ನಡೆಸುವ ಯೂರೋ ಮೊನಿಟರ್ ಇಂಟರ್ನ್ಯಾಷನಲ್ ತಯಾರಿಸಿದ ವರದಿಯಲ್ಲಿ ಈ ಬಗ್ಗೆ ವಿವರಣೆ ನೀಡಲಾಗಿದೆ. 400 ನಗರಗಳಿಂದ ಈ ಆಯ್ಕೆ ನಡೆದಿದೆ. ಅರಬ್ ವಲಯದಲ್ಲಿ ಮಕ್ಕಾಕೆ ಪ್ರಥಮ ಸ್ಥಾವಿದ್ದು, ದ್ವಿತೀಯ ಸ್ಥಾನ ಮದೀನಾಗಿದೆ. ಕಳೆದ ಒಂದು ವರ್ಷದಲ್ಲಿ ಮಕ್ಕಾಕೆ 98 ಲಕ್ಷ ಮತ್ತು ಮದೀನಾಕೆ 88 ಲಕ್ಷ ಸಂದರ್ಶಕರು ಭೇಟಿ ನೀಡಿದ್ದಾರೆ ಎನ್ನಲಾಗಿದೆ.

2.67 ಕೋಟಿ ಪ್ರವಾಸಿಗರು ಭೆಟಿ ನೀಡಿದ ಹಾಂಗ್ಕಾಂಗ್ ಜಗತ್ತಿನಲ್ಲೇ ಅತ್ಯಧಿಕ ಜನರನ್ನು ಆಕರ್ಷಿಸಿದ ನಗರವಾಗಿದೆ. ಎರಡನೇ ಸ್ಥಾನದಲ್ಲಿ ಬಾಂಕಾಕ್ ನಗರವಿದ್ದು, 2.58 ಕೋಟಿ ಯಾತ್ರಿಕರು ಅಲ್ಲಿಗೆ ಭೇಟಿ ನೀಡಿದ್ದಾರೆ.

ಲಂಡನ್, ಮಕ್ಕಾವ್, ಸಿಂಗಪೂರ್, ಪಾರೀಸ್ ಮತ್ತಿತರ ನಗರಗಳು ನಂತರದ ಸ್ಥಾನದಲ್ಲಿದೆ. 1.6 ಕೋಟಿ ಪ್ರವಾಸಿಗರು ಸಂದರ್ಶಿಸಿದ ದುಬೈ ಏಳನೇ ಸ್ಥಾನದಲ್ಲಿದೆ. ಪ್ರಥಮ ಇಪ್ಪತ್ತು ಸ್ಥಾನಗಳಲ್ಲಿ ಭಾರತದ ದೆಹಲಿ ಮತ್ತು ಮುಂಬೈ ಸ್ಥಾನಪಡೆದಿದೆ.