ಸೌದಿ: ಸಂಚಾರ ನಿಯಮಗಳನ್ನು ಪಾಲಿಸುವ ಚಾಲಕರಿಗೆ ಬಹುಮಾನ

ರಿಯಾದ್: ಸೌದಿ ಅರೇಬಿಯಾದ ರಸ್ತೆಗಳಲ್ಲಿ ಸೀಟ್ ಬೆಲ್ಟ್ ಧರಿಸಿ, ನಿಗದಿತ ವೇಗದಲ್ಲಿ ವಾಹನ ಚಲಾಯಿಸುವವರಿಗೆ ಬಹುಮಾನಗಳು ಕಾಯುತ್ತಿವೆ. ಸೌದಿ ಸಂಚಾರ ವಿಭಾಗವು ಅತ್ಯುತ್ತಮ ಚಾಲಕರನ್ನು ಗುರುತಿಸಿ ಅವರಿಗೆ ಬಹುಮಾನ ನೀಡುತ್ತಿದ್ದು, ಸಂಚಾರ ಇಲಾಖೆ ಇದಕ್ಕೆ ಸಂಬಂಧಿಸಿದ ಯೋಜನೆ ಪ್ರಾರಂಭಿಸಿದೆ.

ಈ ಅಭಿಯಾನಕ್ಕೆ ಸಂಚಾರ ವಿಭಾಗವು ಖಲ್ಲೀಕ್ 80 ಎಂದು ಹೆಸರಿಸಿದೆ. ಇದರರ್ಥ ವೇಗವನ್ನು 80ರಲ್ಲಿ ಪಾಲಿಸಿಕೊಳ್ಳಿ ಎಂಬುದಾಗಿದೆ. ಸೀಟ್ ಬೆಲ್ಟ್ ಮತ್ತು ವೇಗದ ಜೊತೆಗೆ ಸೌದಿ ಸಂಚಾರ ಕಾನೂನಿನ ಪ್ರಕಾರ ಸಂಚರಿಸುವ ಚಾಲಕರಿಗೆ ಶೀಘ್ರದಲ್ಲೇ ಬಹುಮಾನ ನೀಡಲಾಗುವುದು.

ಅಭಿಯಾನದ ಭಾಗವಾಗಿ ಸಂಚಾರ ಪ್ರಾಧಿಕಾರ ಬಿಡುಗಡೆ ಮಾಡಿದ ವೀಡಿಯೊದಲ್ಲಿ, ಸಂಚಾರ ಪಟ್ರೋಲ್ ಘಟಕವು ಕೆಲವು ಜನರ ಮೇಲೆ ನಿಗಾ ವಹಿಸಿದಾಗ ಅವರು ಸಂಚಾರ ನಿಯಮಗಳು ಮತ್ತು ನಿಬಂಧನೆಗಳನ್ನು ಅನುಸರಿಸಿ ವಾಹನ ಚಲಾಯಿಸುತ್ತಿರುವುದು ಕಂಡುಬಂದಿದೆ. ಸಂಚಾರ ನಿಯಮಗಳ ಪ್ರಕಾರ ವಾಹನ ಚಲಾಯಿಸುವವರಿಗೆ ಗಸ್ತು ಇಲಾಖೆ ಬಹುಮಾನ ವಿತರಿಸುವುದನ್ನೂ ವೀಡಿಯೊದಲ್ಲಿ ನೋಡಬಹುದು. ಬಹುಮಾನ ಪಡೆದವರಲ್ಲಿ ವಿದೇಶಿಯರೂ ಇದ್ದರು. ಸಂಚಾರ ನಿಯಮ ಉಲ್ಲಂಘಿಸುವವರಿಗೆ ಬಹುಮಾನ ನೀಡದಿರುವುದನ್ನೂ ವೀಡಿಯೊದಲ್ಲಿ ಕಾಣಬಹುದಾಗಿದೆ.

ಸಂಚಾರ ಪ್ರಾಧಿಕಾರ ಯೋಜನೆಯನ್ನು ರಾಷ್ಟ್ರೀಯ ರಸ್ತೆ ಸುರಕ್ಷತಾ ಕೇಂದ್ರದ ಸಹಯೋಗದೊಂದಿಗೆ ಜಾರಿಗೊಳಿಸಲಾಗುತ್ತಿದೆ. ಈ ಅಭಿಯಾನವು ಸಂಚಾರ ಕಾನೂನುಗಳನ್ನು ಹರಡಲು ಮತ್ತು ರಸ್ತೆ ಸುರಕ್ಷತೆಯನ್ನು ಸುಧಾರಿಸಲು ವಾಹನ ಚಾಲಕರಿಗೆ ಶಿಕ್ಷಣ ನೀಡುವ ಉದ್ದೇಶವನ್ನು ಹೊಂದಿದೆ ಎನ್ನಲಾಗಿದೆ.