ಜಿ.ಸಿ.ಸಿ. ದೇಶಗಳ ನಡುವೆ ರೋಮಿಂಗ್ ದರದಲ್ಲಿ ಭಾರೀ ಇಳಿಕೆ

ಖತಾರ್: ಜಿ.ಸಿ.ಸಿ. ದೇಶಗಳ ನಡುವೆ ರೋಮಿಂಗ್ ದರಗಳು ಕಡಿಮೆಯಾಗಲಿದ್ದು, ಕಳೆದ ವರ್ಷಕ್ಕಿಂತ 17 ಶೇಕಡಾದಷ್ಟು ಈ ವರ್ಷ ಕಡಿಮೆಯಾಗಲಿದೆ ಎನ್ನಲಾಗಿದೆ.

ದರಕಡಿತಗೊಳಿಸುವ ಯೋಜನೆಯ ನಾಲ್ಕನೇ ಸುತ್ತಿನ ಕ್ರಮಗಳನ್ನು ತ್ವರಿತಗೊಳಿಸಲಾಗಿದೆ. ಎಪ್ರಿಲ್ ಒಂದರಿಂದಲೇ ಕತರ್ ಮೊಬೈಲ್ ಸೇವಾ ಪ್ರಾಯೋಜಕರು ಇದನ್ನು ಪ್ರಾಯೋಗಿಕಗೊಳಿಸುವ ವಿಧಾನಗಳನ್ನು ಪ್ರಾರಂಭಿಸಿದ್ದಾರೆ ಎಂದು ಕಮ್ಯುನಿಕೇಶನ್ ಲೆಗುರೇಟರಿ ಅಥಾರಿಟಿ ತಿಳಿಸಿದೆ.

ಒಂದು ಮೆಗಾ ಬೈಟ್ ಮೊಬೈಲ್ ಡಾಟಾಗೆ ಹೊಸ ದರದ ಪ್ರಕಾರ 1.82 ರಿಯಾಲ್ ನಿಶ್ಚಯಿಸಲಾಗಿದ್ದು, 2018ರ ಎಪ್ರಿಲ್ ಒಂದರಿಂದ ಚಾಲ್ತಿಯಲ್ಲಿರುವ ದರಕ್ಕಿಂತ 17 ಶೇಕಡಾ ಕಡಿಮೆ ದರವನ್ನು ಹೊಸ ಯೋಜನೆ ಮೂಲಕ ಪಡೆಯಬಹುದಾಗಿದೆ.

ಮೋಬೈಲ್ ಡಾಟಾ, ವಾಯಿಸ್ ಕಾಲ್, ಎಸ್ಎಂಎಸ್ ಸೇವೆ ಮುಂತಾದವುಗಳ ರೋಮಿಂಗ್ ದರ ಭಾರೀ ಇಳಿಕೆ ಉಂಟಾಗಿದೆ.