ಯುಎಇ: ಸರ್ಕಾರಿ ಸಂಸ್ಥೆಗಳಿಗೆ ಮೂರು ದಿನಗಳ ಈದ್ ರಜೆ ಘೋಷಣೆ

ದುಬೈ: ಯುಎಇಯಲ್ಲಿ ಸರ್ಕಾರಿ ಸಂಸ್ಥೆಗಳಿಗೆ ಮೂರು ದಿನಗಳ ಈದ್ ರಜೆ ಘೋಷಿಸಲಾಗಿದೆ. ಮಾರ್ಚ್ 1 ರಂದು ಯುಎಇಯಲ್ಲಿ ರಂಜಾನ್ ಪ್ರಾರಂಭಗೊಂಡಿದೆ. ಮಾರ್ಚ್ 29 ರಂದು ಚಂದ್ರ ದರ್ಶನವಾದಲ್ಲಿ, ಶವ್ವಾಲ್‌ನ ಮೊದಲ ದಿನ ಅಥವಾ ಈದ್ ಮಾರ್ಚ್ 30 ರ ಭಾನುವಾರವಾಗಿರುತ್ತದೆ. ಇದರೊಂದಿಗೆ, ಮಾರ್ಚ್ 30, 31 ಮತ್ತು ಏಪ್ರಿಲ್ 1 ಯುಎಇಯ ಸರ್ಕಾರಿ ಸಂಸ್ಥೆಗಳಿಗೆ ರಜಾದಿನಗಳಾಗಿರುತ್ತವೆ.

ಆದಾಗ್ಯೂ, ಮಾರ್ಚ್ 30 ರಂದು ಮೂವತ್ತು ದಿನಗಳ ಉಪವಾಸ ಮುಗಿದ ನಂತರ ಈದ್ ಬಂದರೆ, ರಜಾದಿನಗಳು ಮಾರ್ಚ್ 31, ಏಪ್ರಿಲ್ 1 ಮತ್ತು 2 ಆಗಿರುತ್ತದೆ. ರಂಜಾನ್ 29 ರಂದು ಚಂದ್ರದರ್ಶನವಾದಲ್ಲಿ , ಈದ್‌ನ ಮೊದಲ ರಜಾದಿನವು ಭಾನುವಾರವಾಗಿರುತ್ತದೆ, ಇದು ಯುಎಇಯಲ್ಲಿ ವಾರಾಂತ್ಯದ ರಜಾದಿನವಾಗಿದೆ.

ಆದಾಗ್ಯೂ, ಮಾರ್ಚ್ 30 ರ ನಂತರ ಈದ್ ಬಂದರೆ, ಸರ್ಕಾರಿ ನೌಕರರಿಗೆ ಎರಡು ವಾರಾಂತ್ಯ ರಜೆಗಳು ಸೇರಿದಂತೆ ಐದು ದಿನಗಳ ಸತತ ರಜೆ ಲಭಿಸಲಿದೆ. ಶುಕ್ರವಾರವೂ ವಾರಾಂತ್ಯದ ರಜೆಯಾಗಿರುವುದರಿಂದ ಶಾರ್ಜಾದಲ್ಲಿ ಸರ್ಕಾರಿ ನೌಕರರಿಗೆ ಆರು ದಿನಗಳ ರಜೆ ಇರಲಿದೆ.