ನವದೆಹಲಿ,ಫೆ.23: ಭಾರತೀಯರನ್ನು ನಾಲ್ಕು ವರ್ಗದ ಹಿಂದೂಗಳಾಗಿ ವರ್ಗೀಕರಿಸುವ ಆರ್ಎಸ್ಎಸ್ ನ ಪ್ರಯತ್ನವು ದೇಶದ ಬಹುತ್ವದ ಪಾತ್ರವನ್ನು ಸ್ಪಷ್ಟವಾಗಿ ತಿರಸ್ಕರಿಸಿದೆ ಎಂದು ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾದ ಚೇಯರ್ ಮ್ಯಾನ್ ಓ ಎಂ ಎ ಸಲಾಮ್ ಹೇಳಿಕೆಯೊಂದರಲ್ಲಿ ತಿಳಿಸಿದ್ದಾರೆ.
ಆರೆಸ್ಸೆಸ್ ಎಂದಿಗೂ ಭಾರತವನ್ನು ಒಂದು ಜಾತ್ಯತೀತ, ಬಹುತ್ವದ ಪ್ರಜಾಪ್ರಭುತ್ವ ರಾಷ್ಟ್ರವೆಂದು ಒಪ್ಪಿಕೊಳ್ಳಲು ಸಾಧ್ಯವಾಗಲಿಲ್ಲ ಮತ್ತು ಭಾರತೀಯರ ಮೇಲೆ ಸಾಂಸ್ಕೃತಿಕ ರಾಷ್ಟ್ರೀಯತೆಯ ಕಲ್ಪನೆಯನ್ನು ಹೇರಲು ಬಯಸಿದೆ.ಆರ್ಎಸ್ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಅವರ ಇತ್ತೀಚಿನ ವರ್ಗೀಕರಣದಲ್ಲಿ,ಭಾರತೀಯರನ್ನು ನಾಲ್ಕು ರೀತಿಯ ಹಿಂದೂಗಳಾಗಿ ವರ್ಗೀಕರಿಸಿರುವುದು ಭಾರತದ ವೈವಿಧ್ಯತೆಯ ಬಗ್ಗೆ ಅಂತರ್ಗತವಾಗಿರುವ ಅಸಹಿಷ್ಣುತೆಯಿಂದ ಬಂದದ್ದಾಗಿದೆ. ಇದು ಮೂಲತಃ ಹಿಂದೂ ಅಲ್ಲದ ಯಾವುದನ್ನಾದರೂ ಸ್ವಾಗತಿಸುವುದಿಲ್ಲ ಎಂದು ಘೋಷಿಸಿದೆ.
ಈ ರೀತಿಯ ನಿರಂಕುಶ ವರ್ಗೀಕರಣಗಳು ಭಾರತೀಯ ಸಾಮಾಜಿಕ ವಾಸ್ತವಾಂಶಗಳಲ್ಲಿ ಯಾವುದೇ ಆಧಾರವನ್ನು ಹೊಂದಿಲ್ಲ.ಇದು ಭಾರತೀಯರನ್ನು ಒಗ್ಗೂಡಿಸುತ್ತದೆ ಎಂದು ಆರ್ಎಸ್ಎಸ್ ಹೇಳಿಕೊಂಡಿದೆಯಾದರೂ, ವಾಸ್ತವದಲ್ಲಿ ಸಮಾಜ ಕಟ್ಟುವ ರೀತಿಯ ಪ್ರಯತ್ನಗಳು ಅನಪೇಕ್ಷಿತ ವರ್ಗಗಳ ವಿರುದ್ಧ ದ್ವೇಷ ಮತ್ತು ಹಿಂಸಾಚಾರವನ್ನು ಪ್ರಚೋದಿಸಲು ಮತ್ತು ಸಮರ್ಥಿಸಲು ಮುಂದುವರಿಯುತ್ತದೆ.
ಭಾರತೀಯ ಸಂವಿಧಾನವು ಜನರು ತಮ್ಮ ಆಯ್ಕೆಯ ಸಂಸ್ಕೃತಿ ಅಥವಾ ಧರ್ಮದೊಂದಿಗೆ ತಮ್ಮನ್ನು ಗುರುತಿಸಿಕೊಳ್ಳುವ ಸ್ವಾತಂತ್ರ್ಯವನ್ನು ನೀಡಿದೆ. ಯಾವುದೇ ರೀತಿಯ ಧಾರ್ಮಿಕ ಅಥವಾ ಸಾಂಸ್ಕೃತಿಕ ಹೇರಿಕೆಯನ್ನು ಎಲ್ಲರೂ ತಿರಸ್ಕರಿಸಬೇಕಾಗಿದೆ.
