ಕತಾರ್ ಇಂಡಿಯನ್ ಸೋಷಿಯಲ್ ಫೋರಂ: ಎಂ.ಎಸ್.ಬುಖಾರಿ ಸ್ಮಾರಕ ಕಪ್ ಕ್ರೀಡಾ ಪಂದ್ಯಾವಳಿ

ದೋಹಾ: ಕತಾರ್ ರಾಷ್ಟ್ರೀಯ ಕ್ರೀಡಾ ದಿನದ ಭಾಗವಾಗಿ ಕತಾರ್ ಇಂಡಿಯನ್ ಸೋಶಿಯಲ್ ಫೋರಮ್ ತನ್ನ ವಾರ್ಷಿಕ ಕ್ರೀಡಾ ಮೇಳದ ಅಂಗವಾಗಿ ಆಯೋಜಿಸಿರುವ ಮೊಹಮ್ಮದ್ ಸಬೀಹ್ ಬುಖಾರಿ ಸ್ಮಾರಕ ಕಪ್ ಕ್ರೀಡಾ ಪಂದ್ಯಾವಳಿಯು ಮಾರ್ಚ್ 4 ರಂದು ದೋಹಾದಲ್ಲಿ ಪ್ರಾರಂಭವಾಗಲಿದೆ. ಮಾ.11ರಂದು ಸಮಾರೋಪ ಸಮಾರಂಭ ನಡೆಯಲಿದೆ ಎಂದು ಸಂಘಟಕರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಕತಾರ್‌ನ ಖ್ಯಾತ ಉದ್ಯಮಿ ಮತ್ತು ಕ್ರೀಡಾ ಉತ್ಸಾಹಿ ಎಂಎಸ್ ಸಬೀಹ್ ಬುಖಾರಿ ಎಂದೂ ಕರೆಯಲ್ಪಡುವ ದಿವಂಗತ ಎಂಎಸ್ ಬುಖಾರಿ ಅವರ ಹೆಸರಿನ ಕಪ್‌ಗಾಗಿ ಫುಟ್‌ಬಾಲ್, ವಾಲಿಬಾಲ್, ಕಬಡ್ಡಿ ಮತ್ತು ಹಗ್ಗಜಗ್ಗಾಟದ ಪ್ರಮುಖ ಕ್ರೀಡೆಗಳಲ್ಲಿ ಸ್ಪರ್ಧೆಯನ್ನು ಆಯೋಜಿಸಲಾಗಿದೆ.

ನಿನ್ನೆ ರೇಡಿಯೋ ಸುನೋ ಕಚೇರಿಯಲ್ಲಿ ನಡೆದ ಸಮಾರಂಭದಲ್ಲಿ ರೇಡಿಯೋ ಸುನೋ ನಿರ್ದೇಶಕ ಅಮೀರ್ ಅಲಿ ಕಾರ್ಯಕ್ರಮದ ಪೋಸ್ಟರ್ ಅನ್ನು ಬಿಡುಗಡೆ ಮಾಡಿದರು. ಸೋಶಿಯಲ್ ಫೋರಂ ಕೇಂದ್ರ ಸಮಿತಿ ಕಾರ್ಯದರ್ಶಿ ಒಸಾಮ ಅಹಮದ್, ಕೇಂದ್ರ ಸಮಿತಿ ಸದಸ್ಯ ಕೆ.ಸಿ.ಮುಹಮ್ಮದಲಿ, ಕೇರಳ ರಾಜ್ಯ ಉಪಾಧ್ಯಕ್ಷ ಅಹ್ಮದ್ ಕಡಮೇರಿ, ಆರ್.ಜೆ.ಅಪ್ಪುಣ್ಣಿ ಉಪಸ್ಥಿತರಿದ್ದರು.

ಪಂದ್ಯಾವಳಿಯಲ್ಲಿ ಭಾಗವಹಿಸಲು ಆಸಕ್ತಿ ಹೊಂದಿರುವ ತಂಡಗಳು ಇದೇ ತಿಂಗಳ 24ರೊಳಗೆ ಹೆಸರು ನೋಂದಾಯಿಸಿಕೊಳ್ಳಬಹುದು ಎಂದು ಸಂಘಟಕರು ತಿಳಿಸಿದ್ದಾರೆ.
ಹೆಚ್ಚಿನ ಮಾಹಿತಿಗಾಗಿ 5582 3787 ಅನ್ನು ಸಂಪರ್ಕಿಸುವಂತೆ ಕೋರಲಾಗಿದೆ.