ಕುವೈತ್ ಸಿಟಿ: ಕುವೈತ್ ನಲ್ಲಿ ಮತ್ತೆ ಫ್ಯಾಮಿಲಿ ವೀಸಾ ಮತ್ತು ಫ್ಯಾಮಿಲಿ ವಿಸಿಟ್ ವೀಸಾ ನೀಡಲು ಆರಂಭಿಸಲಾಗಿದೆ. ವೀಸಾ ಅನುಮತಿಸಲು ಕೆಲವೊಂದು ಷರತ್ತುಗಳನ್ನು ಗೃಹ ಸಚಿವಾಲಯ ಮುಂದಿಟ್ಟಿದೆ. ಕೋವಿಡ್ ಲಸಿಕೆಯನ್ನು ಪೂರ್ಣಗೊಳಿಸಿದವರಿಗೆ ಮಾತ್ರ ಅವಕಾಶ ನೀಡಲಾಗುತ್ತದೆ.
ಕುವೈತ್-ಅನುಮೋದಿತ ಫೈಜರ್ ಬಯೋಎಂಟೆಕ್, ಅಸ್ಟ್ರಾಜೆನೆಕಾ ಮತ್ತು ಮೊಡೆನಾ ಲಸಿಕೆಗಳ ಎರಡು ಡೋಸ್ಗಳನ್ನು ಅಥವಾ ಜಾನ್ಸನ್ ಮತ್ತು ಜಾನ್ಸನ್ ಲಸಿಕೆಯ ಒಂದು ಡೋಸ್ ಅನ್ನು ಪಡೆದವರಿಗೆ ಕುಟುಂಬ ವೀಸಾಗಳು ಅಥವಾ ಕುಟುಂಬ ಸಂದರ್ಶಕ ವೀಸಾಗಳನ್ನು ನೀಡಲಾಗುತ್ತದೆ. ಪ್ರಸ್ತುತ, ವೀಸಾಗಳನ್ನು ವಲಸಿಗರ ಸಂಗಾತಿಗಳು ಅಥವಾ 16 ವರ್ಷದೊಳಗಿನ ಮಕ್ಕಳಿಗೆ ಮಾತ್ರ ನೀಡಲಾಗುತ್ತದೆ. ವೀಸಾ ಲಭಿಸಲು ಕನಿಷ್ಠ 500 ದಿನಾರ್ಗಳ ಸಂಬಳ ಸೇರಿದಂತೆ ಷರತ್ತುಗಳು ಅನ್ವಯಿಸುತ್ತವೆ.
ವಾಣಿಜ್ಯ ವೀಸಾಗಳ ಜೊತೆಗೆ, ಸರ್ಕಾರಿ ವೀಸಾಗಳು ಮತ್ತು ಎಲೆಕ್ಟ್ರಾನಿಕ್ ವೀಸಾಗಳನ್ನು ನೀಡಲು ಆರಂಭಿಸಲಾಗಿದೆ. ಆನ್ಲೈನ್ ಎಲೆಕ್ಟ್ರಾನಿಕ್ ಸೇವಾ ವೆಬ್ಸೈಟ್ ಮತ್ತು ಮೊಬೈಲ್ ಅಪ್ಲಿಕೇಶನ್ ಮೂಲಕ ವೀಸಾ ಮತ್ತು ಕೆಲಸದ ಪರವಾನಗಿಗಳನ್ನು ನೀಡಲಾಗುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ವೀಸಾ ಆನ್ ಅರೈವಲ್ ಸೇರಿದಂತೆ ಇತರ ವ್ಯವಸ್ಥೆಗಳನ್ನು ಹಂತ ಹಂತವಾಗಿ ಪುನರಾರಂಭಿಸಲಾಗುವುದು.
