ಕಾರ್ಮಿಕ ಕಾನೂನಿನ ಸಂದೇಹ ನಿವಾರಣೆಗಾಗಿ ವಾಟ್ಸಾಪ್ ಸೌಲಭ್ಯ

ದೋಹಾ: ಕತಾರ್‌ನ ಕಾರ್ಮಿಕ ಕಾನೂನುಗಳು ಮತ್ತು ನಿಬಂಧನೆಗಳ ಬಗ್ಗೆ ಅನುಮಾನಗಳನ್ನು ಪರಿಹರಿಸಲು ಜನರಿಗೆ ಸಹಾಯ ಮಾಡಲು ಕತಾರ್‌ನ ಸಂವಹನ ಕಚೇರಿಯು ಹೊಸ ವಾಟ್ಸಾಪ್ ಸೇವೆಯನ್ನು ಪ್ರಾರಂಭಿಸಿದ್ದು,ವಾಟ್ಸಾಪ್ ಸಂಖ್ಯೆ 60060601 ಬಿಡುಗಡೆ ಮಾಡಲಾಗಿದೆ. https://wa.me/97460060601?text=Hi ಲಿಂಕ್ ಅನ್ನು ಕ್ಲಿಕ್ ಮಾಡುವುದರ ಮೂಲಕ ನೀವು ನೇರವಾಗಿ ಈ ವಾಟ್ಸಾಪ್ ಪುಟಕ್ಕೆ ಹೋಗಬಹುದು.

ನೀವು ಸಂಖ್ಯೆಯನ್ನು ಸಕ್ರಿಯಗೊಳಿಸಿದರೆ ಮತ್ತು ಹಾಯ್ ಕಳುಹಿಸಿದರೆ, ನಿಮ್ಮ ಭಾಷೆಯನ್ನು ಆಯ್ಕೆ ಮಾಡಲು ಕೇಳಲಾಗುತ್ತದೆ. ಅರೇಬಿಕ್, ಇಂಗ್ಲಿಷ್, ಮಲಯಾಳಂ, ಉರ್ದು, ಹಿಂದಿ ಮತ್ತು ನೇಪಾಳಿ ಎಂಬ ಆರು ಭಾಷೆಗಳಲ್ಲಿ ಈ ಸೇವೆ ಲಭ್ಯವಿದೆ.

ನಂತರ ಏಳು ಆಯ್ಕೆಗಳನ್ನು ನೀಡಲಾಗುವುದು.

ಉದ್ಯೋಗಿಕ ಹಕ್ಕುಗಳನ್ನು ಗುರುತಿಸುವುದು, ಕತಾರ್ ವೀಸಾ ಕೇಂದ್ರದಲ್ಲಿ ಅರ್ಜಿ ಸಲ್ಲಿಸುವುದು, ದೂರುಗಳನ್ನು ನೀಡುವುದು, ಈ ಹಿಂದೆ ಸಲ್ಲಿಸಿದ ಅರ್ಜಿಗಳ ಪ್ರಗತಿ, ಸಂದೇಹ ನಿವಾರಣೆ ಮತ್ತು ಪ್ರಮುಖ ಸಂಖ್ಯೆಗಳನ್ನು ಗುರುತಿಸುವುದು ಎಂಬ ಏಳು ಆಯ್ಕೆಗಳಿಂದ ಆಯ್ಕೆ ಮಾಡಬಹುದು. ನಂತರ ಬೇಡಿಕೆಯ ಸಂದೇಶಕ್ಕೆ ಉತ್ತರಿಸಲಾಗುತ್ತದೆ.

ಕೆಲಸಗಾರ ಮತ್ತು ಉದ್ಯೋಗದಾತ ಇಬ್ಬರೂ ಈ ಸಂಖ್ಯೆಯ ಮೂಲಕ ಸೇವೆಯನ್ನು ಪಡೆಯಬಹುದು.ಆದರೆ ಈ ಸಂಖ್ಯೆಯ ಮೂಲಕ ಯಾವುದೇ ಕರೆ ಸೌಲಭ್ಯ ಇರುವುದಿಲ್ಲ.