ಕುಟುಂಬ ವಿಸಾಗಳನ್ನು ಬದಲಾಯಿಸಲು ಮತ್ತೆ ನಾಲ್ಕು ವಿಭಾಗಗಳಿಗೆ ಅನುಮತಿ

ಕುವೈತ್ ಸಿಟಿ : ಕುವೈತ್‌ನಲ್ಲಿ, ಕುಟುಂಬ ವೀಸಾಗಳಿಂದ ಕೆಲಸದ ವೀಸಾಗಳಿಗೆ ಬದಲಾಯಿಸಲು ಮತ್ತೆ ನಾಲ್ಕು ವಿಭಾಗಗಳನ್ನು ಅನುಮತಿಸಲಾಗಿದೆ.ಈ ಮೂಲಕ ಕುಟುಂಬ ವೀಸಾಗಳನ್ನು ಬದಲಾಯಿಸಲು ಒಂಬತ್ತು ವಿಭಾಗಗಳಿಗೆ ಅನುಮತಿ ಲಭಿಸಿದೆ.

ಮ್ಯಾನ್‌ಪವರ್ ಪ್ರಾಧಿಕಾರವು ಕುಟುಂಬ ವೀಸಾ ಹೊಂದಿರುವವರ ಪಟ್ಟಿಯನ್ನು ನವೀಕರಿಸಿದ್ದು,ಕೆಲಸದ ವೀಸಾಗಳಿಗೆ ಬದಲಾಯಿಸಲು ಇನ್ನೂ ನಾಲ್ಕು ವಿಭಾಗಗಳನ್ನು ಸೇರಿಸಲಾಗಿದೆ.

ಕುವೈತ್‌ನಲ್ಲಿ ಜನಿಸಿದವರ ಎರಡನೇ ಪದವಿ ಸಂಬಂಧಿಗಳು, ಆರೋಗ್ಯ ಸಚಿವಾಲಯದಿಂದ ಅಂಗೀಕರಿಸಲ್ಪಟ್ಟ ಆರೋಗ್ಯ ಕ್ಷೇತ್ರದ ತಂತ್ರಜ್ಞರು, ಶಾಲೆಗಳಲ್ಲಿ ಅಧ್ಯಾಪಕ ಸದಸ್ಯರಾಗಿ ಕೆಲಸ ಮಾಡಲು ಅರ್ಹರಾದವರು, ಕುವೈತ್ ಶಿಕ್ಷಣ ಸಂಸ್ಥೆಗಳಲ್ಲಿ ವ್ಯಾಸಂಗ ಮಾಡುತ್ತಿರುವ ವಿದ್ಯಾರ್ಥಿಯ ಪೋಷಕರು ಮರಣಹೊಂದಿದ್ದಲ್ಲಿ ಅವರ ನಿಕಟ ಸಂಬಂಧಿಗಳು ಮುಂತಾದವರನ್ನು ಹೊಸತಾಗಿ ಸೇರಿಸಲಾಗಿದೆ.

ಈ ಮೊದಲು,ಕುವೈತ್ ಮಹಿಳೆಯ ಗಂಡ ಮತ್ತು ಮಕ್ಕಳು, ಕುವೈತ್ ಪತ್ನಿಯರು, ಕುವೈತ್‌ನಲ್ಲಿನ ಜನಿಸಿದವರು, ಸ್ಪಷ್ಟ ದಾಖಲೆಗಳಿರುವ ಪ್ಯಾಲೆಸ್ಟೀನ್ ಪೌರರು ಮತ್ತು ಪದವೀಧರರಿಗೆ ಸೀಮಿತಗೊಳಿಸಲಾಗಿತ್ತು.