ರಿಯಾದ್: ಸೌದಿಯಲ್ಲಿ ಕೋವಿಡ್ 19 ವೈರಸ್ ಪರಿಣಾಮವಾಗಿ ಉದ್ಭವಿಸಿರುವ ಆರ್ಥಿಕ ಬಿಕ್ಕಟ್ಟನ್ನು ಸರಾಗಗೊಳಿಸುವ ಸಲುವಾಗಿ 120 ಬಿಲಿಯನ್ ರಿಯಾಲಿನ ಪ್ಯಾಕೇಜ್ ಅನ್ನು ಸೌದಿ ಸರ್ಕಾರ ಘೋಷಿಸಿದೆ. ಈ ಯೋಜನೆಯನ್ನು ಹಣಕಾಸು ಸಚಿವ ಮತ್ತು ಯೋಜನಾ ಸಚಿವ ಮೊಹಮ್ಮದ್ ಬಿನ್ ಅಬ್ದುಲ್ಲಾ ಅಲ್-ಜದನ್ ಘೋಷಿಸಿದ್ದಾರೆ.
ಹೊಸ ಪ್ಯಾಕೇಜ್ ನಲ್ಲಿ ವಲಸಿಗರಿಗೆ ಹೆಚ್ಚು ಅನುಕೂಲಕರವಾದ ಕ್ರಮಗಳು ಒಳಗೊಂಡಿದೆ. ಖಾಸಗಿ ಮತ್ತು ಸಣ್ಣ ಉದ್ಯಮಗಳು ಮತ್ತು ಅವುಗಳ ಆರ್ಥಿಕ ಚಟುವಟಿಕೆಗಳನ್ನು ಬೆಂಬಲಿಸಲು ಸರ್ಕಾರ ತುರ್ತು ಯೋಜನೆಗಳನ್ನು ಸಿದ್ಧಪಡಿಸಿದೆ.
ಹಣಕಾಸು ಸಚಿವಾಲಯದ ಹೊಸ ಪ್ರಕಟಣೆಗಳು:
- 2020 ರ ಜೂನ್ 30 ರವರೆಗೆ, ಇಖಾಮಾ ಅವಧಿ ಹೊಂದಿರುವವರು ಮತ್ತು ಈಗಾಗಲೇ ಇಖಾಮಾ ಅವಧಿ ಮುಗಿದಿರುವವರಿಗೆ ಲೆವಿ ಪಾವತಿಸದೆ ಮೂರು ತಿಂಗಳ ಇಖಾಮಾ ಅವಧಿ ವಿಸ್ತರಿಸಿ ನೀಡಲಾಗುವುದು.
- ಹೊಸ ಕೆಲಸದ ವೀಸಾಕ್ಕಾಗಿ ಶುಲ್ಕ ಪಾವತಿಸಿದ ನಂತರ, ವೀಸಾ ಸ್ಟ್ಯಾಂಪಿಂಗ್ ಗಾಗಿ ಕಾಯುತ್ತಿರುವವರಿಗೆ ಹಣ ಮರುಪಾವತಿ ಇಲ್ಲವೇ ವೀಸಾ ಸ್ಟ್ಯಾಂಪಿಂಗ್ ಅವಧಿಯನ್ನು ಮೂರು ತಿಂಗಳವರೆಗೆ ವಿಸ್ತರಿಸಲಾಗುವುದು.
- ವೀಸಾ ಸ್ಟ್ಯಾಂಪಿಂಗ್ ಪೂರ್ಣಗೊಂಡವರಿಗೂ ಈ ಪ್ರಯೋಜನ ಲಭಿಸಲಿದೆ.
- ಮರು ಪ್ರವೇಶ ವೀಸಾ ನೀಡಿದ ನಂತರ ಸೌದಿ ಅರೇಬಿಯಾದಲ್ಲೇ ಉಳಿದಿರುವ ವಿದೇಶಿಯರಿಗೆ ಮರು ಪ್ರವೇಶದ ಅವಧಿಯನ್ನು ಮೂರು ತಿಂಗಳವರೆಗೆ ವಿಸ್ತರಿಸಲು ಉದ್ಯೋಗದಾತರಿಗೆ ಅವಕಾಶವಿದೆ, ಇದಕ್ಕಾಗಿ ಯಾವುದೇ ವಿಶೇಷ ಶುಲ್ಕ ವಿಧಿಸಲಾಗುವುದಿಲ್ಲ. ಸ್ವದೇಶದಲ್ಲಿದ್ದು, ಪ್ರಯಾಣ ಮೊಟಕುಗೊಂಡವರಿಗೂ ಇದು ಅನ್ವಯ.
- ಮೌಲ್ಯವರ್ಧಿತ ತೆರಿಗೆ, ಅಬಕಾರಿ ತೆರಿಗೆ, ಆದಾಯ ತೆರಿಗೆ ಮತ್ತು ಝಕಾತ್ ಪಾವತಿಸಲು ಮೂರು ತಿಂಗಳ ವಿಳಂಬವನ್ನು ಅನುಮತಿಸಲಾಗಿದೆ.
- ಮುಂಗಡ ಷರತ್ತುಗಳು ಅನ್ವಯಿಸದೆ ಹೊಸ ಹಣಕಾಸು ವರ್ಷಕ್ಕೆ ನಿಯಂತ್ರಣವಿಲ್ಲದೆ ಝಕಾತ್ ಪ್ರಮಾಣಪತ್ರಗಳನ್ನು ನೀಡಲಾಗುವುದು.
- ಝಕಾತ್ ಮತ್ತು ಮೌಲ್ಯವರ್ಧಿತ ತೆರಿಗೆಗಳನ್ನು ಗಡುವಾಗಿ ಸ್ವೀಕರಿಸಲಾಗುವುದು.
- ದೇಶದಲ್ಲಿ ಆಮದು ಮಾಡಿಕೊಳ್ಳುವ ಸರಕುಗಳ ಮೇಲಿನ ಸುಂಕವನ್ನು 30 ದಿನಗಳವರೆಗೆ ವಿಧಿಸಲಾಗುವುದಿಲ್ಲ.
- ಖಾಸಗಿ ವಲಯದಿಂದ ಪಾವತಿಸಬೇಕಾದ ಸರ್ಕಾರಿ ಸೇವಾ ಶುಲ್ಕ ಮತ್ತು ಪುರಸಭೆಯ ಶುಲ್ಕವನ್ನು ಪಾವತಿಸಲು ಮೂರು ತಿಂಗಳ ಸಮಯನ್ನು ಅನುಮತಿಸಲಾಗಿದೆ.















ಇನ್ನಷ್ಟು ಸುದ್ದಿಗಳು
ಸೌದಿಯಲ್ಲಿ ನಕಲಿ ದಾಖಲೆ ದೃಢೀಕರಣ ಜಾಲ: ಭಾರತೀಯ ರಾಯಭಾರ ಕಚೇರಿಯಿಂದ ಎಚ್ಚರಿಕೆ
ವಿಮಾನಯಾನ ರದ್ದತಿಯಿಂದ ಅತಂತ್ರರಾದ ಉಮ್ರಾ ಯಾತ್ರಾರ್ಥಿಗಳು- DKSCಯಿಂದ ಮಾನವೀಯ ನೆರವು
ವಲಸಿಗರಿಗೆ ಶುಭ ಸುದ್ದಿ: ಜಿದ್ದಾ–ಕೋಝಿಕ್ಕೋಡ್ ನಡುವೆ ಫ್ಲೈನಾಸ್ ನೇರ ವಿಮಾನ ಸೇವೆ ಆರಂಭ
ರಿಯಾದ್ ವಿಮಾನ ನಿಲ್ದಾಣ ಬಂದ್: ಪರ್ಯಾಯ ಪ್ರಯಾಣ ಮಾರ್ಗದಲ್ಲೂ ಟಿಕೆಟ್ ದರ ಏರಿಕೆ
ಸೌದಿ: ಸಿಲುಕಿರುವ ಯಾತ್ರಿಕರ ವಾಪಸಾತಿಗೆ ರಾಯಭಾರ ಕಚೇರಿ ತೀವ್ರ ಕಾರ್ಯಾಚರಣೆ
ಯುಎಇ : ನಾಲ್ಕು ಪಾಸ್ಪೋರ್ಟ್ ಸೇವಾ ಕೇಂದ್ರಗಳು ಇಂದಿನಿಂದ ಸ್ಥಗಿತ- ರಾಯಭಾರ ಕಚೇರಿ
ಉಮ್ರಾ ಯಾತ್ರಿಕರ ವಾಪಸಾತಿಗೆ ಪರ್ಯಾಯ ವಿಮಾನ ವ್ಯವಸ್ಥೆ ಕಲ್ಪಿಸಬೇಕು- ರಾಯಭಾರ ಕಚೇರಿ
ರಿಯಾದ್, ಜಿದ್ದಾ ವಿಮಾನ ಸೇವೆಗಳು ಅಕ್ಟೋಬರ್ 27ರವರೆಗೆ ಸ್ಥಗಿತ
ಧರ್ಮ ನಿಂದನೆ ದೂರು: ಯುವಕನ ಮರಣದಂಡನೆಯನ್ನು ರದ್ದುಗೊಳಿಸಿದ ಸೌದಿ ಸುಪ್ರೀಂ ಕೋರ್ಟ್
ಸೌದಿ ವಿಮಾನ ಸೇವೆ ಸ್ಥಗಿತ: ವೀಸಾ ಅವಧಿ ಮೀರಿದವರಿಗೆ ದಂಡವಿಲ್ಲದೆ ನಿರ್ಗಮನಕ್ಕೆ ಅವಕಾಶ- ಭಾರತೀಯ ರಾಯಭಾರ ಕಚೇರಿ