ಟಿಕ್‌ಟಾಕ್‌ನಲ್ಲಿನ ವೈಶಮ್ಯ : ಶಾರ್ಜಾದಲ್ಲಿ ಭಾರತೀಯನ ಹತ್ಯೆ

ಶಾರ್ಜಾ: ಯುಎಇಯ ಶಾರ್ಜಾದಲ್ಲಿ ಮಲಯಾಳಿ ವ್ಯಕ್ತಿಯೊಬ್ಬರು ಚಾಕು ಇರಿತದಿಂದ ಮೃತಪಟ್ಟಿದ್ದಾರೆ. ಕಣ್ಣೂರು ಮೂಲದ ಇಸ್ಮಾಯಿಲ್ ಪೊನ್ನನ್ ಮೃತಪಟ್ಟ ದುರ್ದೈವಿ. ಟಿಕ್‌ಟಾಕ್‌ನಲ್ಲಿ ಮಲಯಾಳಿಗಳ ನಡುವೆ ಉಂಟಾದ ವೈಷಮ್ಯವೇ ಈ ಕೊಲೆಯಲ್ಲಿ ಅಂತ್ಯಗೊಂಡಿದೆ ಎಂದು ವರದಿಯಾಗಿದೆ.

ಆರೋಪಿ ಕೂಡ ಮಲಯಾಳಿ ಎಂದು ಮಾಹಿತಿ ಲಭ್ಯವಾಗಿದೆ. ಕಳೆದ ದಿನ ಈ ಘಟನೆ ನಡೆದಿದೆ.
ಶಾರ್ಜಾದ ಅಲ್ ನಹ್ದಾದಲ್ಲಿ ಈ ಘಟನೆ ನಡೆದಿದೆ.
ಟಿಕ್‌ಟಾಕ್‌ನಲ್ಲಿ ಪರಸ್ಪರ ಸವಾಲು ಹಾಕಿಕೊಂಡ ನಂತರ ಈ ಕೊಲೆ ನಡೆದಿದೆ. ಕೊಲೆಗೆ ಮುನ್ನ ಇವರು ಟಿಕ್‌ಟಾಕ್‌ನಲ್ಲಿ ಹಾಕಿದ್ದ ಸವಾಲಿನ ವಿಡಿಯೋ ದೃಶ್ಯಗಳು ಕೂಡ ಹೊರಬಂದಿವೆ. ಶಾರ್ಜಾ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.