ಕುವೈತ್ ಸಿಟಿ: ಈದ್ ಹಬ್ಬದ ನಂತರ ದೇಶದ ಸರ್ಕಾರಿ ಸಂಸ್ಥೆಗಳ ಕೆಲಸದ ಅವಧಿಯಲ್ಲಿ ಬದಲಾವಣೆ ಮಾಡಲಾಗುವುದು ಎಂದು ಕುವೈತ್ ಸಿವಿಲ್ ಸರ್ವಿಸ್ ಕಮಿಷನ್ ತಿಳಿಸಿದೆ. ಹೊಸ ನಿಯಮದಂತೆ, ದೈನಂದಿನ ಕೆಲಸದ ಅವಧಿಯನ್ನು 6 ಗಂಟೆಗಳಿಗೆ ಇಳಿಸಲಾಗಿದೆ. ಇದರೊಂದಿಗೆ ಕಚೇರಿಗಳಲ್ಲಿ ನೌಕರರ ಹಾಜರಾತಿಯನ್ನು ಶೇ. 30ಕ್ಕೆ ಸೀಮಿತಗೊಳಿಸಲಾಗಿದೆ.
ಉದ್ಯೋಗಿಗಳಿಗಾಗಿ ಸರದಿ (Rotation) ಪದ್ಧತಿಯನ್ನು ಜಾರಿಗೆ ತರಲಾಗುವುದು ಮತ್ತು ಅಗತ್ಯವಿರುವ ಕಡೆಗಳಲ್ಲಿ ‘ವರ್ಕ್ ಫ್ರಮ್ ಹೋಮ್’ (ಮನೆಯಿಂದಲೇ ಕೆಲಸ) ಮಾಡಲು ಅವಕಾಶ ನೀಡಲಾಗುವುದು. ಸಂಜೆಯ ಶಿಫ್ಟ್ಗಳನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ ಎಂದು ಅಧಿಕಾರಿಗಳು ವಿವರಿಸಿದ್ದಾರೆ.
ಈದ್ ರಜೆ ಮುಗಿದ ಮರುದಿನದಿಂದಲೇ ಈ ಹೊಸ ಸೂಚನೆಗಳು ಜಾರಿಗೆ ಬರಲಿವೆ. ಮುಂದಿನ ಆದೇಶದವರೆಗೆ ಈ ನಿಯಮ ಮುಂದುವರಿಯಲಿದೆ ಎಂದು ಕಮಿಷನ್ ಸ್ಪಷ್ಟಪಡಿಸಿದೆ.
