ವಿಷಾಹಾರ ಸೇವನೆ: ಶೀಘ್ರದಲ್ಲೇ ವರದಿ ಸಲ್ಲಿಸಬೇಕು- ಸೌದಿ ಆರೋಗ್ಯ ಸಚಿವಾಲಯ

ಜಿದ್ದಾ: ಆಹಾರ ವಿಷಪೂರಿತವಾದರೆ ತಕ್ಷಣ ಆರೋಗ್ಯ ಸಚಿವಾಲಯಕ್ಕೆ ವರದಿ ಸಲ್ಲಿಸುವಂತೆ ಆಸ್ಪತ್ರೆಗಳಿಗೆ ಸೂಚನೆ ನೀಡಲಾಗಿದೆ. ಸೌದಿ ಆರೋಗ್ಯ ಸಚಿವಾಲಯ ಈ ನಿರ್ದೇಶನ ನೀಡಿದೆ. ಕೆಲವು ಆಸ್ಪತ್ರೆಗಳು ಇಂತಹ ಘಟನೆಗಳನ್ನು ವರದಿ ಮಾಡಲು ವಿಳಂಬ ಮಾಡಿದ ಅಥವಾ ವಿಫಲವಾದ ನಂತರ ಈ ನಿರ್ದೇಶನ ಬಂದಿದೆ.

ಸಚಿವಾಲಯವು ಸೌದಿ ಚೇಂಬರ್‌ಗಳ ಒಕ್ಕೂಟಕ್ಕೆ ಕಳುಹಿಸಿರುವ ಪತ್ರದಲ್ಲಿ ಈ ವಿಷಯಗಳನ್ನು ತಿಳಿಸಲಾಗಿದೆ. ಅಂತಹ ಪ್ರಕರಣಗಳನ್ನು ಆಸ್ಪತ್ರೆಗಳಿಗೆ ವರದಿ ಮಾಡುವ ಸಮಯದಲ್ಲೇ ಆರೋಗ್ಯ ಸಚಿವಾಲಯದ ಡಿಜಿಟಲ್ ಪೋರ್ಟಲ್ ಮೂಲಕವೂ ವರದಿ ಮಾಡಬೇಕು. ಈ ಉದ್ದೇಶಕ್ಕಾಗಿ ಸಚಿವಾಲಯವು ಪ್ರತ್ಯೇಕ ಲಿಂಕ್ ಅನ್ನು ಒದಗಿಸಿದೆ.

2022 ರಲ್ಲಿ ಹೊರಡಿಸಲಾದ ಸುತ್ತೋಲೆಯಲ್ಲಿ ಪ್ರತ್ಯೇಕ ಮಾರ್ಗಸೂಚಿಯನ್ನು ಸಹ ನೀಡಲಾಗಿದೆ. ಮೊದಲ ವರದಿಯನ್ನು ಆರೋಗ್ಯ ಕ್ಲಸ್ಟರ್‌ಗೆ ನೀಡಬೇಕು.

30 ಕ್ಕೂ ಹೆಚ್ಚು ಮಂದಿಗೆ ವಿಷಬಾಧೆ ಉಂಟಾದಲ್ಲಿ ಯಾರಿಗಾದರೂ ಮರಣ ಸಂಭವಿಸಿದ್ದಲ್ಲಿ ಈ ಬಗ್ಗೆ ಆರೋಗ್ಯ ಕ್ಲಸ್ಟರ್‌ಗೆ ಖುದ್ದಾಗಿ ಅಥವಾ ಫೋನ್ ಮೂಲಕ ವರದಿ ಮಾಡಬೇಕು ಮತ್ತು 24 ಗಂಟೆಯೊಳಗೆ ಪೂರ್ಣ ವರದಿ ನೀಡಬೇಕು. ಇದರಲ್ಲಿ ವಿಫಲರಾದವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಆರೋಗ್ಯ ಸಚಿವಾಲಯ ಎಚ್ಚರಿಸಿದೆ.