ಸೌದಿ: ಉಮ್ರಾ ಯಾತ್ರಾರ್ಥಿಗಳು ವೀಸಾ ಅವಧಿ ಮುಗಿಯುವ ಮುಂಚಿತವಾಗಿ ತೆರಳಬೇಕು

ರಿಯಾದ್:ವಿದೇಶಿ ಉಮ್ರಾ ಯಾತ್ರಾರ್ಥಿಗಳು ತಮ್ಮ ವೀಸಾ ಅವಧಿ ಮುಗಿಯುವ ಮೊದಲು ದೇಶಕ್ಕೆ ಹಿಂತಿರುಗುವಂತೆ ಹಜ್ ಮತ್ತು ಉಮ್ರಾ ಸಚಿವಾಲಯ(Ministry of Hajj and Umrah) ಹೇಳಿದೆ. ವೀಸಾ ಅವಧಿ ಮುಗಿಯುವ ಮೊದಲು ಉಮ್ರಾ ಪೂರ್ಣಗೊಳಿಸಬೇಕು. ಅದರ ನಂತರ ದೇಶದಲ್ಲಿ ಉಳಿಯುವುದು ನಿಯಮಗಳ ಉಲ್ಲಂಘನೆಯಾಗಿದೆ.

ಉಮ್ರಾ ವೀಸಾದಲ್ಲಿ ಬರುವವರ ವಾಸ್ತವ್ಯದ ಅವಧಿಯನ್ನು 30 ರಿಂದ 90 ದಿನಗಳವರೆಗೆ ವಿಸ್ತರಿಸಲಾಗಿದೆ. ಈ ಅವಧಿಯಲ್ಲಿ ಯಾತ್ರಿಕರು ಮಕ್ಕಾ ಮತ್ತು ಮದೀನಾ ಮತ್ತು ಸೌದಿ ಅರೇಬಿಯಾದ ಇತರ ಎಲ್ಲಾ ನಗರಗಳ ನಡುವೆ ಪ್ರಯಾಣಿಸಲು ಅವಕಾಶವಿದೆ. ಸೌದಿ ಅರೇಬಿಯಾದ ಎಲ್ಲಾ ಅಂತರಾಷ್ಟ್ರೀಯ ಮತ್ತು ದೇಶೀಯ ವಿಮಾನ ನಿಲ್ದಾಣಗಳ ಮೂಲಕ ಯಾತ್ರಾರ್ಥಿಗಳಿಗೆ ದೇಶಕ್ಕೆ ಪ್ರವೇಶಿಸಲು ಮತ್ತು ಹಿಂತಿರುಗಲು ಅನುಮತಿಸಲಾಗಿದೆ.

ಆದರೆ ದೇಶಕ್ಕೆ ಬಂದ ನಂತರ, ಸಚಿವಾಲಯದ ‘NUSUK’ ಅಪ್ಲಿಕೇಶನ್‌ನಲ್ಲಿ ನೋಂದಾಯಿಸಿಕೊಳ್ಳಬೇಕು ಮತ್ತು ಉಮ್ರಾಗೆ ಪರವಾನಗಿ ಪಡೆಯಬೇಕು. ಪ್ರವಾಸೋದ್ಯಮ, ಭೇಟಿ, ಉಮ್ರಾ ಮುಂತಾದ ಯಾವುದೇ ವೀಸಾ ಮೂಲಕ ಸೌದಿ ಅರೇಬಿಯಾವನ್ನು ಪ್ರವೇಶಿಸಬಹುದು ಎಂದು ಸಚಿವಾಲಯ ಹೇಳಿದೆ.