janadhvani

Kannada Online News Paper

ಈ ವರದಿಯ ಧ್ವನಿಯನ್ನು ಆಲಿಸಿ


ಕುವೈತ್: ಕುವೈತ್ ನಲ್ಲಿ ಸಾರ್ವಜನಿಕ ಕ್ಷಮಾದಾನ ಅವಧಿಯ ನಂತರ ಭಾರೀ  ಭದ್ರತಾ ಪರಿಶೋಧನೆ ನಡೆಸಲು ಆಂತರಿಕ ಸಚಿವಾಲಯ ತಯಾರಿ ನಡೆಸುತ್ತಿದೆ.
ಕೇವಲ 33 ಶೇಕಡಾ ಅಕ್ರಮ ವಲಸಿಗರು ಸಾರ್ವಜನಿಕ ಕ್ಷಮಾದಾನದ ಪ್ರಯೋಜನವನ್ನು ಪಡೆದಿದ್ದಾರೆ. ಸುಮಾರು 10,500 ಭಾರತೀಯರು  ಈಗಾಗಲೇ ದೇಶವನ್ನು ತೊರೆಯಲು ರಾಯಭಾರದ ಮೂಲಕ ತಮ್ಮ ಔಟ್ ಪಾಸ್ ಗಳನ್ನು ಪಡೆದಿದ್ದಾರೆ.

ಜನವರಿ 22 ರಂದು ಸಾರ್ವಜನಿಕ ಸಾರ್ವಜನಿಕ ಕ್ಷಮಾಪಣೆಯನ್ನು ಘೋಷಿಸಿತು, ಅನಧಿಕೃತ ವಲಸಿಗರಿಗೆ ದೇಶವನ್ನು ತೊರೆಯಲು ಮತ್ತು ದಂಡ ಪಾವತಿಸಿ ತಮ್ಮ ನೆಲೆಯನ್ನು ಸುಭದ್ರಗೊಳಿಸಲು ಅವಕಾಶವನ್ನು ನೀಡಲಾಗಿತ್ತು. ಏಪ್ರಿಲ್ 22 ರವರೆಗೆ ಸಾ ರ್ವಜನಿಕ ಕ್ಷಮಾಪಣೆ ಮುಂದುವರಿಯಲಿದೆ.

1,51,000 ಅನಧಿಕೃತ ವಲಸೆಗಾರರ ಪೈಕಿ, ಇದು ವರೆಗೆ 51,500 ಜನರು ಮಾತ್ರ ಅದನ್ನು ಬಳಸಿ ಕೊಂಡಿದ್ದಾರೆ. ಇವರಲ್ಲಿ 32,000 ಜನರು ದೇಶವನ್ನು ತೊರೆದರು ಮತ್ತು 19,500 ಮಂದಿ ದಂಡವನ್ನು ಪಾವತಿಸಿ ಕಾನೂನುಬದ್ಧಗೊಳಿಸಿದ್ದಾರೆ. ಸರ್ಕಾರವು ಈ ಮೂಲಕ 1.20 ಕೋಟಿ ದಿನಾರ್ ದಂಡವನ್ನು ಸ್ವೀಕರಿಸಿದೆ.

ದೇಶದಲ್ಲಿ 30,000 ಕ್ಕಿಂತ ಹೆಚ್ಚು ಭಾರತೀಯರು ಅಕ್ರಮವಾಗಿ ವಾಸಿಸುತ್ತಿದ್ದರು. ಅವರಲ್ಲಿ, 15,500 ಜನರು ದೇಶದಿಂದ ಹೊರಬರಲು ರಾಯಭಾರಿಯಿಂದ ಔಟ್ ಪಾಸ್ ಪಡಕೊಂಡಿದ್ದಾರೆ. ಸುಮಾರು 2,500 ಜನರು ತಮ್ಮದೇ ಆದ ಪಾಸ್ ಪೋರ್ಟ್ ಗಳಿಂದ ದೇಶ ತೊರೆದಿದ್ದಾರೆ. ಮತ್ತು ಸುಮಾರು 5,000 ಜನರು ಈಗಾಗಲೇ ದಂಡ ಪಾವತಿಸಿ ಸಕ್ರಮಗೊಳಿಸಿದ್ದಾರೆ.

ಏತನ್ಮಧ್ಯೆ, ಅವಧಿ ಮುಗಿದ ನಂತರ ದೇಶದಲ್ಲಿ ಭಾರೀ  ಪರಿಶೋಧನೆಗೆ ಗೃಹ ಸಚಿವಾಲಯ ಸಿದ್ಧತೆ ನಡೆಸುತ್ತಿದೆ. ಸ್ಥಳೀಯ ಸಚಿವಾಲಯದ ವ್ಯವಹಾರಗಳ ಹಿರಿಯ ಅಧಿಕಾರಿಯ ಪ್ರಕಾರ ಸಚಿವಾಲಯವು ವಿನೋತನ ಯೋಜನೆಗಳ ಸರಣಿಯನ್ನು ಈ ಕಾರ್ಯಕ್ಕಾಗಿ ಸಜ್ಜು ಗೊಳಿಸುತ್ತಿದೆ ಎಂದು ಪ್ರಾದೇಶಿಕ ಅರಬ್ ಪತ್ರಿಕೆಗಳು ವರದಿ ಮಾಡಿದೆ.

error: Content is protected !! Not allowed copy content from janadhvani.com