ಸೌದಿ: ಹೊಸ ಮೂರು ವಲಯಗಳಲ್ಲಿ ದೇಶೀಕರಣ- ಮಾನವ ಸಂಪನ್ಮೂಲ ಸಚಿವಾಲಯ

ರಿಯಾದ್ : ಸೌದಿ ಅರೇಬಿಯಾ ಹೊಸ ವಲಯಗಳಲ್ಲಿ ಸ್ವದೇಶೀಕರಣಕ್ಕೆ ತಯಾರಿ ನಡೆಸುತ್ತಿದೆ. ಹೊಸ ದೇಶೀಕರಣವು ಮೀಡಿಯಾ, ಕನ್ಸಲ್ಟಿಂಗ್ ಮತ್ತು ಮನರಂಜನೆಯ ಕ್ಷೇತ್ರಗಳಲ್ಲಾಗಿವೆ.

ಈ ನಿರ್ಧಾರವು ಖಾಸಗಿ ವಲಯದ ಸ್ಥಳೀಯರ ಅನುಪಾತದಲ್ಲಿ ಕ್ರಮೇಣ ಹೆಚ್ಚಳದ ಭಾಗವಾಗಿದೆ. ಮಾನವ ಸಂಪನ್ಮೂಲ ಸಚಿವಾಲಯದ ಅಧೀನ ಕಾರ್ಯದರ್ಶಿ ಮಜೀದ್ ಅಲ್ದಾವಿ ಈ ವಿಷಯವನ್ನು ಬಹಿರಂಗಪಡಿಸಿದ್ದಾರೆ.

ಮಾಧ್ಯಮ, ಸಲಹಾ ಮತ್ತು ಮನರಂಜನಾ ಕ್ಷೇತ್ರಗಳಲ್ಲಿ ಸ್ವದೇಶೀಕರಣಕ್ಕೆ ಯೋಜನೆ ರೂಪಿಸಲಾಗಿದ್ದು, ಶೀಘ್ರವೇ ನಿರ್ಧಾರ ಪ್ರಕಟಿಸಲಾಗುವುದು ಎಂದು ಸಚಿವಾಲಯದ ಕಾರ್ಯದರ್ಶಿ ತಿಳಿಸಿದ್ದಾರೆ. ಖಾಸಗಿ ವಾಹಿನಿಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಅಧೀನ ಕಾರ್ಯದರ್ಶಿ ಈ ವಿಷಯವನ್ನು ಬಹಿರಂಗಪಡಿಸಿದ್ದಾರೆ.

ಆದರೆ ಸ್ಥಳೀಯ ಅನುಪಾತದ ಕುರಿತು ಹೆಚ್ಚಿನ ವಿವರಗಳನ್ನು ಬಿಡುಗಡೆ ಮಾಡಲಾಗಿಲ್ಲ. ಖಾಸಗಿ ವಲಯದಲ್ಲಿ ಸ್ಥಳೀಯರ ಅನುಪಾತದಲ್ಲಿ ಸ್ಥಿರವಾದ ಏರಿಕೆ ಉತ್ತಮ ಸಂಕೇತವಾಗಿದೆ. ವಿಶೇಷವಾಗಿ ಮಹಿಳಾ ಉದ್ಯೋಗಿಗಳ ಸಂಖ್ಯೆ ಅಭೂತಪೂರ್ವ ಪ್ರಮಾಣದಲ್ಲಿ ಹೆಚ್ಚುತ್ತಿದೆ ಎಂದು ಸಚಿವಾಲಯದ ಕಾರ್ಯದರ್ಶಿ ಹೇಳಿದ್ದಾರೆ.

ಹೊಸತಾಗಿ ದೇಶೀಕರಣ ಜಾರಿಗೊಳಿಸುವ ವಲಯದಲ್ಲಿ ಭಾರತೀಯರು ಸೇರಿದಂತೆ ಅನೇಕ ವಿದೇಶಿಗರು ಕೆಲಸ ಮಾಡುತ್ತಿದ್ದಾರೆ.