ಸೌದಿ: ಗೃಹ ಕಾರ್ಮಿಕರ ಪ್ರಾಯೋಜಕತ್ವ ಬದಲಾವಣೆಗೆ ಆನ್‌ಲೈನ್‌ ಸೌಲಭ್ಯ

ರಿಯಾದ್: ಸೌದಿ ಅರೇಬಿಯಾದಲ್ಲಿ ಮನೆ ಚಾಲಕರು ಸೇರಿದಂತೆ ಗೃಹ ಕಾರ್ಮಿಕರ ಉದ್ಯೋಗದಾತರನ್ನು ಆನ್‌ಲೈನ್‌ನಲ್ಲಿ ಬದಲಾಯಿಸುವ ಸೌಲಭ್ಯವನ್ನು ಕಲ್ಪಿಸಲಾಗಿದೆ. ಪ್ರಾಯೋಜಕತ್ವದ ಬದಲಾವಣೆಯನ್ನು ಸೌದಿ ಆಂತರಿಕ ಸಚಿವಾಲಯದ ಆನ್‌ಲೈನ್ ಪೋರ್ಟಲ್ / ಅಪ್ಲಿಕೇಶನ್ ‘ಅಬ್ಶಿರ್’ ಮೂಲಕ ಮಾಡಬಹುದು ಎಂದು ಸಂಬಂಧಪಟ್ಟ ಇಲಾಖೆ ತಿಳಿಸಿದೆ.

ಈಗಿರುವ ಪ್ರಾಯೋಜಕ ತನ್ನ ನೌಕರನನ್ನು ಅಬ್ಶಿರ್ ಮೂಲಕ ಹೊಸ ಪ್ರಾಯೋಜಕರ ಹೆಸರಿಗೆ ಬದಲಾಯಿಸುವ ವಿಧಾನವಾಗಿದೆ ಇದು. ಈಗಿರುವ ಸ್ಪೋನ್ಸರ್ ತನ್ನ ಕೆಲಸಗಾರನನ್ನು ಸ್ವೀಕರಿಸುವಂತೆ ಹೊಸ ಸ್ಪೋನ್ಸರ್ಗೆ ಅಬ್ಶೀರ್ ಮೂಲಕ ಅರ್ಜಿ ಸಲ್ಲಿಸುವುದು, ಹೊಸ ಸ್ಪೋನ್ಸರ್ ಇದನ್ನು ಸ್ವೀಕರಿಸಲೂ, ತಿರಸ್ಕರಿಸಲೂ ಅವಕಾಶವಿದೆ.

ಸ್ವೀಕರಿಸಲಾಗಿದೆ ಎಂಬ ಭಾಗದಲ್ಲಿ ಕ್ಲಿಕ್ ಮಾಡುವುದರಿಂದ ನೌಕರನ ಪ್ರಾಯೋಜಕತ್ವ ಬದಲಾಗಲಿದೆ. ಆದರೆ ಅನೇಕ ಮನೆ ಚಾಲಕರು ಅಥವಾ ಒಂದೇ ವೃತ್ತಿಯಲ್ಲಿ ಹೆಚ್ಚು ಕೆಲಸಗಾರರು ಇದ್ದಲ್ಲಿ ಇ-ಪ್ರಾಯೋಜಕತ್ವ ಬದಲಾವಣೆ ಸಾಧ್ಯವಿಲ್ಲ.