ಕೋವಿಡ್ ಹೆಚ್ಚಳ: ಖತ್ತರಿನಲ್ಲಿ ಮಾ.26 ರಿಂದ ಕಠಿಣ ನಿಯಂತ್ರಣ

ದೋಹಾ: ಕೋವಿಡ್ ಪ್ರಕರಣಗಳು ಮತ್ತೆ ಹೆಚ್ಚಾಗುತ್ತಿದ್ದಂತೆ, ಕತಾರ್‌ನಲ್ಲಿ ನಿರ್ಬಂಧಗಳನ್ನು ಪುನಃ ಸ್ಥಾಪಿಸಲಾಗುತ್ತಿದೆ. ಮಾರ್ಚ್ 26 ರ ಶುಕ್ರವಾರದಿಂದ ಹೆಚ್ಚಿನ ನಿರ್ಬಂಧಗಳು ಜಾರಿಗೆ ಬರಲಿವೆ. ಅದಕ್ಕೆ ತಕ್ಕಂತೆ ಹೊಸ ಆದೇಶಗಳನ್ನು ಕೆಳಗೆ ನಮೂದಿಸಲಾಗಿದೆ.

ಕೇವಲ ಶೇಕಡಾ 80 ಉದ್ಯೋಗಿಗಳಿಗೆ ಮಾತ್ರ ಸರ್ಕಾರಿ ಮತ್ತು ಖಾಸಗಿ ವಲಯದ ಕಚೇರಿಗಳಲ್ಲಿ ಹಾಜರಾಗಬೇಕು.ಮತ್ತು ಉಳಿದ 20% ಜನರು ಮನೆಯಿಂದಲೇ ಕೆಲಸ ಮಾಡಬೇಕು.
ಐದಕ್ಕಿಂತ ಹೆಚ್ಚು ಜನರು ಕಚೇರಿಯ ಸಭೆಗಳಿಗೆ ಹಾಜರಾಗಬಾರದು.

ವಿವಾಹ ಸಮಾರಂಭಗಳನ್ನು ಅನುಮತಿಸಲಾಗುವುದಿಲ್ಲ.
ಸಾರ್ವಜನಿಕ ಉದ್ಯಾನವನಗಳು, ಕಡಲತೀರಗಳು ಮತ್ತು ಕಾರ್ನೀಶ್ ಗಳಲ್ಲಿನ ಆಟದ ಮೈದಾನಗಳನ್ನು ಮುಚ್ಚಲಾಗುವುದು.
ಚಾಲನಾ ಶಾಲೆಗಳನ್ನು ಮುಚ್ಚಲಾಗುವುದು.

ಚಿತ್ರಮಂದಿರಗಳಲ್ಲಿ ಶೇ.20 ಮಂದಿಗೆ ಮಾತ್ರ ಪ್ರವೇಶವಿದೆ, ಮತ್ತು 18 ವರ್ಷಕ್ಕಿಂತ ಕೆಳಗಿನವರಿಗೆ ಪ್ರವೇಶವಿಲ್ಲ.
ಖಾಸಗಿ ಶಿಕ್ಷಣ ಕೇಂದ್ರಗಳು ಮತ್ತು ತರಬೇತಿ ಕೇಂದ್ರಗಳಲ್ಲಿ ಆನ್‌ಲೈನ್ ಕಲಿಕೆ ಮಾತ್ರ.
ಸಾರ್ವಜನಿಕ ವಸ್ತು ಸಂಗ್ರಹಾಲಯಗಳು ಮತ್ತು ಗ್ರಂಥಾಲಯಗಳ ಸಾಮರ್ಥ್ಯವು ಶೇಕಡಾ 30 ಮೀರಬಾರದು.

ಸಚಿವಾಲಯದ ಅನುಮತಿಯಿಲ್ಲದೆ ಕ್ರೀಡಾ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ನಡೆಸಬಾರದು.
12 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳಿಗೆ ಶಾಪಿಂಗ್ ಸಂಕೀರ್ಣಗಳಿಗೆ ಪ್ರವೇಶವಿಲ್ಲ.
ಶಾಪಿಂಗ್ ಸಂಕೀರ್ಣಗಳ ಕಾರ್ಯಾಚರಣೆಯು ಕೇವಲ ಮೂವತ್ತು ಶೇಕಡಾ ಸಾಮರ್ಥ್ಯವನ್ನು ಹೊಂದಿದೆ.

ಶಾಪಿಂಗ್ ಸಂಕೀರ್ಣಗಳಲ್ಲಿನ ಪ್ರಾರ್ಥನಾ ಕೊಠಡಿಗಳನ್ನು ಮುಚ್ಚಬೇಕು.
ಫುಡ್ ಕೋರ್ಟ್ ಗಳಲ್ಲಿ ಹೋಂ ಡೆಲಿವರಿ ಮಾತ್ರ.
ಒಳಾಂಗಣದ ರೆಸ್ಟೋರೆಂಟ್‌ಗಳು ಮತ್ತು ಕೆಫೆಟೇರಿಯಾಗಳ ಕಾರ್ಯಾಚರಣಾ ಸಾಮರ್ಥ್ಯವು 15% ಮೀರಬಾರದು.
ಕ್ಲೀನ್ ಕತಾರ್ ಯೋಜನೆಯಡಿಯ ಹೋಟೆಲ್‌ಗಳು ಮತ್ತು ಕೆಫೆಟೇರಿಯಾಗಳು ಶೇಕಡಾ 50 ರಷ್ಟು ಸಾಮರ್ಥ್ಯದಲ್ಲಿ ಮತ್ತು ಉಳಿದವು ಶೇಕಡಾ 30 ರಷ್ಟು ಸಾಮರ್ಥ್ಯದಲ್ಲಿ ಕಾರ್ಯನಿರ್ವಹಿಸಬಲ್ಲವು.

ಕೇವಲ 30% ಜನರಿಗೆ ಮಾತ್ರ ಸಾರ್ವಜನಿಕ ಮಾರುಕಟ್ಟೆಗಳಿಗೆ ಪ್ರವೇಶವಿದೆ ಮತ್ತು 12 ವರ್ಷದೊಳಗಿನ ಮಕ್ಕಳಿಗೆ ಪ್ರವೇಶವಿಲ್ಲ.
ಮನೋರಂಜನಾ ಉದ್ಯಾನವನಗಳನ್ನು ಮುಚ್ಚಲಾಗುವುದು.
ಜಿಮ್ನಾಷಿಯಂಗಳು ಮತ್ತು ಮಸಾಜ್ ಪಾರ್ಲರ್‌ಗಳನ್ನು ಮುಚ್ಚಬೇಕು.
ಈಜುಕೊಳಗಳು ಮತ್ತು ವಾಟರ್ ಪಾರ್ಕ್‌ಗಳನ್ನು ಸಹ ಅನುಮತಿಸಲಾಗುವುದಿಲ್ಲ.