ಯುಎಇ: ಅನುಮತಿ ರಹಿತ ಹಣ ಸಂಗ್ರಹ ಮತ್ತು ವಿತರಣೆ ನಿಷೇಧ

ಅಬುಧಾಬಿ:ಅನುಮತಿಯಿಲ್ಲದೆ ದೇಣಿಗೆ ಸಂಗ್ರಹಿಸುವುದು ಮತ್ತು ವಿತರಿಸುವುದನ್ನು ನಿಷೇಧಿಸಿ, ಯುಎಇ ಫೆಡರಲ್ ನ್ಯಾಷನಲ್ ಕೌನ್ಸಿಲ್ ಹೊಸ ಕರಡು ಕಾನೂನನ್ನು ಅಂಗೀಕರಿಸಿದೆ.

ನಿಯಮ ಉಲ್ಲಂಘಿಸುವವರಿಗೆ 5 ಲಕ್ಷ ದಿರ್ಹಮ್‌ಗಳವರೆಗೆ ದಂಡ ವಿಧಿಸಲಾಗುತ್ತದೆ. ಅಧಿಕೃತ ಪರವಾನಗಿ ಪಡೆಯದೆ ದೇಣಿಗೆ, ದತ್ತಿ ಚಟುವಟಿಕೆಗಳು ಅಥವಾ ಮಾನವೀಯ ನೆರವು ಸಂಗ್ರಹಿಸುವುದನ್ನೂ ನಿಷೇಧಿಸಲಾಗಿದೆ. ವ್ಯಕ್ತಿಗಳು ಮತ್ತು ಸಂಸ್ಥೆಗಳು ಕಾನೂನುಬಾಹಿರವಾಗಿ ದೇಣಿಗೆ ಸಂಗ್ರಹಿಸುವುದನ್ನು ನಿಷೇಧಿಸುವುದಾಗಿದೆ ಹೊಸ ಕಾನೂನು.

ಆದರೆ ಸಾಮಾಜಿಕ ಸ್ವಯಂಸೇವಾ ಸಂಸ್ಥೆಗಳು ಹಣ ಸಂಗ್ರಹಿಸಲು ಕಾನೂನಿನಲ್ಲಿ ನಿಯಮಗಳಿವೆ.ಹೊಸ ಕಾನೂನು,ಸಂಗ್ರಹಿಸಿದ ಹಣವನ್ನು ಭಯೋತ್ಪಾದಕ ಚಟುವಟಿಕೆಗಳಿಗೆ ದುರುಪಯೋಗಪಡಿಸಿಕೊಳ್ಳದಂತೆ ತಡೆಯುವ ಗುರಿಯನ್ನು ಹೊಂದಿದೆ. ಫೆಡರಲ್ ಕೌನ್ಸಿಲ್ ಕರಡು ಕಾನೂನನ್ನು ಅನುಮೋದಿಸುವ ಮೊದಲು, ಎಫ್‌ಎನ್‌ಸಿ ಸದಸ್ಯರ ಸಭೆ 34 ನಿಯಮಗಳನ್ನು ಚರ್ಚಿಸಿತು.

ಅನಧಿಕೃತವಾಗಿ ಸಂಗ್ರಹಿಸಿದ ದೇಣಿಗೆಗಳನ್ನು ಮುಟ್ಟುಗೋಲು ಹಾಕಿಕೊಳ್ಳುವುದು, ಶಿಕ್ಷೆ ಮುಗಿದ ನಂತರ ಗಡೀಪಾರು ಮಾಡುವುದು ಮತ್ತು 1 ಲಕ್ಷ ದಿರ್ಹಮ್‌ಗಳಿಂದ 5 ಲಕ್ಷ ದಿರ್ಹಮ್‌ಗಳವರೆಗೆ ದಂಡ ವಿಧಿಸಲು ಕಾನೂನು ಶಿಫಾರಸು ಮಾಡಿದೆ. ಸಂಘಗಳು ಮತ್ತು ಸಂಸ್ಥೆಗಳಿಗೆ ದೇಣಿಗೆ ಸಂಗ್ರಹಿಸಲು ಸಹಾಯಕವಾದ ಸ್ಮಾರ್ಟ್ ಇ-ಸಿಸ್ಟಮ್ ಅನ್ನು ಸ್ಥಾಪಿಸಲು ಅನುಮೋದನೆ ನೀಡಲಾಗಿದೆ.