ರಿಯಾದ್: ಸೌದಿ ರಸ್ತೆಗಳಲ್ಲಿ ಸಿಗ್ನಲ್ ನೀಡದೆ ಹಳಿಗಳನ್ನು ಬದಲಾಯಿಸುವವರಿಗೆ ದಂಡ ವಿಧಿಸುವ ವ್ಯವಸ್ಥೆಯು ಇಂದಿನಿಂದ ಹೆಚ್ಚಿನ ನಗರಗಳಲ್ಲಿ ಜಾರಿಗೆ ಬರಲಿದೆ. ಈ ಹಿಂದೆ ಪ್ರಮುಖ ನಗರಗಳಲ್ಲಿ ಜಾರಿಗೆ ಬಂದಿದ್ದ ಸ್ವಯಂಚಾಲಿತ ಕ್ಯಾಮೆರಾ ವ್ಯವಸ್ಥೆಯನ್ನು ದೇಶದ ಇತರ ಭಾಗಗಳಲ್ಲಿಯೂ ಜಾರಿಗೆ ತರಲಾಗುತ್ತಿದೆ.
ರಿಯಾದ್, ದಮ್ಮಾಮ್ ಮತ್ತು ಜಿದ್ದಾದಂತಹ ಪ್ರಮುಖ ನಗರಗಳಲ್ಲಿ ಜಾರಿಗೆ ತರಲಾದ ಸಂಚಾರ ಸುಧಾರಣೆಗಳ ಮುಂದುವರಿಕೆಯಾಗಿ ಈ ಯೋಜನೆಯನ್ನು ಹೆಚ್ಚಿನ ನಗರಗಳಲ್ಲಿ ಜಾರಿಗೊಳಿಸಲಾಗುತ್ತಿದೆ.ಇದು ಸಂಚಾರ ಮಾರ್ಗಗಳನ್ನು ಉಲ್ಲಂಘಿಸುವವರಿಗೆ ದಂಡ ವಿಧಿಸುವ ಯೋಜನೆಯಾಗಿದೆ.
ವ್ಯವಸ್ಥೆಯು ಜಾರಿಗೆ ಬಂದ ನಗರಗಳಲ್ಲಿ ಈಗಾಗಲೇ ಅನೇಕರಿಗೆ ದಂಡ ವಿಧಿಸಲಾಗಿದೆ. ದಂಡವು 300 ರಿಂದ 500 ರಿಯಾಲ್‌ಗಳವರೆಗೆ ಇರುತ್ತದೆ. ಯೋಜನೆಯ ಮುಂದಿನ ಹಂತವು ಇಂದಿನಿಂದ ಪ್ರಾರಂಭಗೊಂಡಿದೆ. ಹೊಸ ವ್ಯವಸ್ಥೆಯು ವಾಯುವ್ಯ ನಗರಗಳಾದ ತ್ವಾಯಿಫ್ , ಅಲ್ಬಹಾ, ಅಲ್ ಜವ್ಫ್ ಮತ್ತು ಜಿಝಾನ್ ಗೆ ಅನ್ವಯಿಸುತ್ತದೆ.
ನಗರದ ವಿವಿಧ ಭಾಗಗಳಲ್ಲಿ ಅಳವಡಿಸಲಾದ ಕ್ಯಾಮೆರಾಗಳು ಮತ್ತು ಸಾಧನಗಳ ಮೂಲಕ ಕಣ್ಗಾವಲು ನಡೆಸಿ,ಸಂಚಾರ ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಲಾಗಿದೆಯೆ ಎಂದು ಖಚಿತಪಡಿಸಿಕೊಳ್ಳಲಾಗುವುದು.
ರಸ್ತೆಯಲ್ಲಿ ಸಿಗ್ನಲ್ ನೀಡದೆ ಲೇನ್‌ಗಳನ್ನು ಬದಲಾಯಿಸುವುದು, ವಾಹನವನ್ನು ಅಕ್ರಮವಾಗಿ ಹಿಂದಿಕ್ಕುವುದು, ನಿರ್ಗಮನ ಮತ್ತು ಪ್ರವೇಶವನ್ನು ನಿಷೇಧಿಸಲ್ಪಟ್ಟ ಕಡೆಗಳಲ್ಲಿ ಅತಿಕ್ರಮಣ ಮಾಡುವುದು ಮುಂತಾದ ಉಲ್ಲಂಘನೆ ಗಳಿಗೆ ದಂಡ ವಿಧಿಸುವುದಾಗಿದೆ ಹೊಸ ವಿಧಾನ.
ಈ ಉದ್ದೇಶಕ್ಕಾಗಿ ಸ್ಥಾಪಿಸಲಾದ ವಿಶೇಷ ಸಾಧನಗಳಿಂದ ಉಲ್ಲಂಘನೆಗಳನ್ನು ಪತ್ತೆ ಹಚ್ಚಲಾಗುತ್ತದೆ. ಜನವರಿ 1 ರ ಮುಂಚಿತವಾಗಿ ದೇಶಾದ್ಯಂತ ವ್ಯವಸ್ಥೆಯನ್ನು ಸ್ಥಾಪಿಸುವುದಾಗಿದೆ ಸಂಚಾರ ಇಲಾಖೆಯ ಉದ್ದೇಶ.
