ಅಸ್ತಿತ್ವದಲ್ಲಿಲ್ಲದ ಕಂಪನಿಯ ಹೆಸರಲ್ಲಿ ವಿಸಾ: 9 ಮಂದಿಯ ಬಂಧನ

ದೋಹಾ: ಅಸ್ತಿತ್ವದಲ್ಲಿಲ್ಲದ ಕಂಪನಿಯ ಹೆಸರಲ್ಲಿ ವಿಸಾ ಪಡೆದು ವಂಚನೆ ಮಾಡಿದ ತಂಡವನ್ನು ಬಂಧಿಸಲಾಗಿದೆ. ವಿವಿಧ ದೇಶಗಳಿಗೆ ಸೇರಿದ ಒಂಬತ್ತು ಮಂದಿಯ ತಂಡವನ್ನು ಗೃಹ ಸಚಿವಾಲಯಕ್ಕೊಳಪಟ್ಟ ಸರ್ಚ್ ಆ್ಯಂಡ್ ಫಾಲೋ ಅಪ್ ಖಾತೆಯು ಬಂಧಿಸಿದೆ.

ಸೀಲ್, ಐಡಿ ಕಾರ್ಡ್‌ಗಳು, ಬ್ಯಾಂಕ್ ಖಾತೆಯ ಕಾರ್ಡ್‌ಗಳು ಮುಂತಾದವುಗಳನ್ನು ಇವರಿಂದ ವಶಪಡಿಸಲಾಗಿದೆ. ಬಂಧಿತರನ್ನು ಹೆಚ್ಚಿನ ತನಿಖೆಗಾಗಿ, ಪಬ್ಲಿಕ್ ಪ್ರೊಸಿಕ್ಯೂಷನ್ ಮುಂದೆ ಹಾಜರುಪಡಿಸಲಾಗುವುದು ಎಂದು ಸರ್ಚ್ ಆ್ಯಂಡ್ ಫಾಲೋ ಅಪ್ ಖಾತೆಯು ತಿಳಿಸಿದೆ. ಕಂಪನಿಗಳ ಮಾಲಿಕರು ಯಾವುದೇ ಕಾರಣಕ್ಕೂ ಅಪರಿಚಿತರಿಗೆ ತಮ್ಮ ಐಡಿಗಳನ್ನು ಹಸ್ತಾಂತರಿಸದಂತೆ ಅಧಿಕಾರಿಗಳು ತಿಳಿಸಿದ್ದಾರೆ.