ಧಾರ್ಮಿಕ ಅಸಹಿಷ್ನುತೆಗೆ ಕಠಿಣ ಶಿಕ್ಷೆ- ಯುಎಇ

ಅಬುಧಾಬಿ: ಧಾರ್ಮಿಕ ಅಸಹಿಷ್ನುತೆಗೆ ಕಠಿಣ ಶಿಕ್ಷೆ ವಿಧಿಸಲಾಗುವುದು ಎಂದು ಯುಎಇ ಕಾನೂನು ವಿಭಾಗ ವ್ಯಕ್ತಪಡಿಸಿದೆ. ಯಾವುದಾರೂ ಧರ್ಮ ಅಥವಾ ಧಾರ್ಮಿಕ ಚಿನ್ಹೆಗಳನ್ನು ಅವಹೇಳನ ಮಾಡಿದರೆ ಐದು ವರ್ಷಗಳ ಜೈಲು ಶಿಕ್ಷೆ, ಹತ್ತು ಲಕ್ಷ ದಿರ್ಹಂ ದಂಡ ಲಭಿಸಬಹುದಾದ ಅಪರಾಧವಾಗಿದೆ. ಜಾಲತಾಣದ ಮೂಲಕ ಕಾನೂನು ಉಲ್ಲಂಘಿಸಿದರೂ ಇದೇ ಶಿಕ್ಷೆ ಲಭಿಸಲಿದೆ ಎಂದು ಎಚ್ಚರಿಕೆ ನೀಡಲಾಗಿದೆ.

ಯಾವುದಾದರೂ ಧರ್ಮ, ಧಾರ್ಮಿಕ ಗ್ರಂಥ, ಚಿನ್ಹೆ, ಪ್ರವಾದಿ, ಅರಾಧನಾಲಯಗಳನ್ನು ಅವಹೇಳನ ಮಾಡಿದರೆ ಅದನ್ನು ಕಾನೂನು ಉಲ್ಲಂಘನೆಯಾಗಿ ಪರಿಗಣಿಸಿ ಶಿಕ್ಷೆ ವಿಧಿಸಲಾಗುವುದು. ಫೆಡರಲ್ ಕಾನೂನು ಎರಡನೇ ಪರಿಚ್ಛೇದದಂತೆ ವಿದ್ವೇಷ, ವಿವೇಚನೆ ಉಂಟುಮಾಡುವ ಕಾನೂನು ಉಲ್ಲಂಘನೆಗಳಿಗೆ ಎರಡು ಲಕ್ಷ ಐವತ್ತು ಸಾವಿರ ದಿರ್ಹಂ ವರೆಗೆ ದಂಡ ಮತ್ತು ಐದು ವರ್ಷ ಸಜೆ ಲಭಿಸಬಹುದಾಗಿದೆ. ಸಾಮಾಜಿಕ ಮಾಧ್ಯಮಗಳ ಮೂಲಕ ಧರ್ಮಗಳ ಅವಹೇಳನ ನಡೆಸಿದರೂ ಇದೇ ಶಿಕ್ಷೆ ವಿಧಿಸಲಾಗುವುದು ಎಂದು ವ್ಯಕ್ತಪಡಿಸಲಾಗಿದೆ.