ದುಬೈ: ಯುಎಇ ಯಲ್ಲಿ ಸಾಮಾಜಿಕ ಮಾಧ್ಯಮವನ್ನು ಬಳಸುವಾಗ ಪಾಲಿಸಬೇಕಾದ ಮಾರ್ಗಸೂಚಿಗಳನ್ನು ಯುಎಇ ಉಪಾಧ್ಯಕ್ಷ, ಪ್ರಧಾನಿ ಮತ್ತು ದುಬೈ ಆಡಳಿತಾಧಿಕಾರಿ ಶೈಖ್ ಮುಹಮ್ಮದ್ ಬಿನ್ ರಾಶಿದ್ ಆಲ್ ಮಕ್ತೂಮ್ ಹಂಚಿಕೊಂಡಿದ್ದಾರೆ.
ಕಳೆದ ಸೆಪ್ಟೆಂಬರ್ನಲ್ಲಿ ದುಬೈ ಆಡಳಿತಗಾರ ಸಾರ್ವಜನಿಕರಿಗೆ ನೀಡಿದ ಮುಕ್ತ ಪತ್ರದ ಬಳಿಕ ಈ ಮಾರ್ಗಸೂಚಿಗಳನ್ನು ಪ್ರಕಟಿಸಲಾಗಿದೆ. ಸೋಶಿಯಲ್ ಮೀಡಿಯಾ ಮೂಲಕ ದೇಶದ ಚಿತ್ರಣವನ್ನು ಕೆಡಿಸಬಾರದು ಎಂದು ಪತ್ರದಲ್ಲಿ ಸೂಚಿಸಲಾಗಿದ್ದು, 10 ನಿರ್ದೇಶನಗಳನ್ನೂ ಹೊರಡಿಸಿದ್ದಾರೆ.
ಅನುಸರಿಸಬೇಕಾದ 10 ಸಲಹೆಗಳು
- ಇತರರೊಂದಿಗೆ ವ್ಯವಹರಿಸುವಾಗ ಯುಎಇಯ ಸಂಸ್ಥಾಪಕ ಪಿತ ಮತ್ತು ಅವರ ತತ್ವಗಳಿಗೆ ಕಳಂಕ ನೀಡದೆ ಉತ್ತಮ ವ್ಯಕ್ತಿಯಾಗಿರಿ.
- ಜ್ಞಾನ, ಸಂಸ್ಕೃತಿ ಮತ್ತು ನಾಗರಿಕತೆಯ ಗುಣಮಟ್ಟ ಮತ್ತು ಆಧುನಿಕತೆಯನ್ನು ಪ್ರತಿಬಿಂಬಿಸುವ ವ್ಯಕ್ತಿತ್ವವನ್ನು ಹೊಂದಿರಿ.
- ಕೆಟ್ಟ ಭಾಷೆ ಅಥವಾ ಪದಗಳನ್ನು ಬಳಸದ ವ್ಯಕ್ತಿಯಾಗಿರಿ.
- ಯುಕ್ತಿಯೊಂದಿಗೆ ವ್ಯವಹರಿಸುವವರಾಗಿರಿ.
- ಒಳ್ಳೆಯ ಪದಗಳು ಮತ್ತು ಸುಂದರವಾದ ಚಿತ್ರಣವನ್ನು ಗೌರವಿಸುವ ಮತ್ತು ಸಕಾರಾತ್ಮಕ ಆಲೋಚನೆಗಳು, ಸಂಸ್ಕೃತಿಗಳು ಮತ್ತು ಸಮಾಜದೊಂದಿಗೆ ಸಂವಹನ ನಡೆಸುವ ವ್ಯಕ್ತಿತ್ವ ನಿಮ್ಮದಾಗಿರಲಿ.
- ದೇಶವನ್ನು ಶ್ರೀಮಂತಗೊಳಿಸುವ ಮಾಹಿತಿ, ಆಲೋಚನೆಗಳು, ಸಾಮಾಜಿಕ ಮತ್ತು ಮಾನವೀಯ ಉಪಕ್ರಮಗಳನ್ನು ಹಂಚಿಕೊಳ್ಳುವ ಮೂಲಕ ಇತರರಿಗೆ ಸಹಾಯ ಮಾಡುವ ವ್ಯಕ್ತಿಯಾಗಿರಿ.
- ಅಂತರ್ರಾಷ್ಟ್ರೀಯ ಪರಿಸರಗಳೊಂದಿಗೆ ಸಕಾರಾತ್ಮಕವಾಗಿ ತೊಡಗಿಸಿಕೊಳ್ಳಿರಿ.
- ಇತರ ದೇಶಗಳೊಂದಿಗೆ ಉತ್ತಮ ಸಂಬಂಧವನ್ನು ಕಾಪಾಡಿಕೊಂಡು ಆತ್ಮವಿಶ್ವಾಸವನ್ನು ಬೆಳೆಸುವವರಾಗಿರಿ.
- ಇತರರೊಂದಿಗೆ ಪ್ರೀತಿ ಮತ್ತು ಮುಕ್ತತೆಯನ್ನು ಪ್ರತಿಬಿಂಬಿಸುವಂತಾಗಿರಿ.
- ಜನರನ್ನು ಆಧರಿಸುವುದು ಮತ್ತು ಯಾವಾಗಲೂ ಆ ಬಗ್ಗೆ ಹೆಮ್ಮೆ ಇರುವವರಾಗಿರಿ.