ರಿಯಾದ್: ಮುಂದಿನ ವರ್ಷ ಕೂಡ ಸೌದಿ ಅರೇಬಿಯಾದಲ್ಲಿ ವಿದೇಶಿಯರ ಮೇಲೆ ವಿಧಿಸುವ ತೆರಿಗೆಯನ್ನು ಮುಂದುವರಿಸುವ ಬಗ್ಗೆ ಅಧ್ಯಯನ ಮಾಡುವ ಪ್ರಸ್ತಾಪಗಳು ಕೇಳಿಬಂದಿವೆ. ಉಪ ಸ್ಪೀಕರ್ ಅಧ್ಯಕ್ಷತೆಯಲ್ಲಿ ನಡೆದ ಶೂರಾ ಕೌನ್ಸಿಲ್ ಸಭೆಯಲ್ಲಿ ಹೊಸ ಪ್ರಸ್ತಾಪವನ್ನು ಮುಂದಿಡಲಾಗಿದೆ.
ವಿದೇಶಿ ಕಾರ್ಮಿಕರು ಮತ್ತು ಅವಲಂಬಿತರಿಂದ ಈ ವರ್ಷ ವಿಧಿಸುವ ಲೆವಿಯನ್ನು 2020 ರಲ್ಲೂ ವಿಧಿಸುವ ಸಾಧ್ಯತೆಯ ಬಗ್ಗೆ ಅಧ್ಯಯನ ಮಾಡಲು ಶೂರಾ ಕೌನ್ಸಿಲ್ ಕರೆ ನೀಡಿದೆ. ವಾಣಿಜ್ಯ ಮತ್ತು ಹೂಡಿಕೆ ಸಚಿವಾಲಯದ ವಾರ್ಷಿಕ ವರದಿಯ ಆಧಾರದ ಮೇಲೆ ಶೂರಾ ಕೌನ್ಸಿಲ್ನ ಆರ್ಥಿಕ ಮತ್ತು ಇಂಧನ ಸಮಿತಿಯು ಈ ಅಗತ್ಯವನ್ನು ಮುಂದಿಟ್ಟಿದೆ.
ಅದೇ ಸಮಯದಲ್ಲಿ, ಸಣ್ಣ ಮತ್ತು ಅತೀಸಣ್ಣ ಉದ್ಯಮಗಳಲ್ಲಿನ ಕಾರ್ಮಿಕರಿಗೆ ಮೂರರಿಂದ ಐದು ವರ್ಷಗಳ ತೆರಿಗೆ ವಿನಾಯಿತಿ ಬಗ್ಗೆ ಅಧ್ಯಯನ ಮಾಡಲು ಶೂರಾ ಕೌನ್ಸಿಲ್ ಆಗ್ರಹಿಸಿದೆ.
ಆಧುನಿಕ ಅಪ್ಲಿಕೇಶನ್ಗಳನ್ನು ಬಳಸಿಕೊಂಡು ವ್ಯಾಪಾರ ಉದ್ಯಮಗಳ ಕಾರ್ಯಕ್ಷಮತೆ ಬಗ್ಗೆ ಗಮನ ಹರಿಸಲು ಗ್ರಾಹಕರ ಭಾಗವಹಿಸುವಿಕೆಯನ್ನು ಖಚಿತಪಡಿಸಿಕೊಳ್ಳುವ ಅಗತ್ಯವನ್ನು ವರದಿಯಲ್ಲಿ ಸೂಚಿಸಲಾಗಿದೆ. ಬಿನಾಮಿ ವ್ಯವಹಾರದ ಬಗ್ಗೆ ಸ್ಥಳೀಯರ ದೃಷ್ಟಿಕೋನಗಳು ಬದಲಾವಣೆಯಾಗಬೇಕು ಎಂದು ಕೌನ್ಸಿಲ್ ಬಯಸಿದೆ