ದುಬೈ: ರಸ್ತೆ ಮತ್ತು ಸಾರಿಗೆ ಪ್ರಾಧಿಕಾರವು (ಆರ್ಟಿಎ) ಅಲ್ ಯಲಾಯಿಸ್ ಮತ್ತು ಅಲ್ ಅಸಾಯಲ್ ಸ್ಟ್ರೀಟ್ಸ್ ಡೆವಲಪ್ಮೆಂಟ್ ಪ್ರಾಜೆಕ್ಟ್ ಅನ್ನು ಆರಂಭಿಸಿರುವುದಾಗಿ ಘೋಷಿಸಿದೆ. ಹೊಸ ರಸ್ತೆಯು ಶೈಖ್ ಝಾಯಿದ್ ರಸ್ತೆ, ಶೈಖ್ ಮುಹಮ್ಮದ್ ಬಿನ್ ಝಾಯಿದ್ ರಸ್ತೆ ಮತ್ತು ಎಮಿರೇಟ್ಸ್ ರಸ್ತೆಯೊಂದಿಗೆ ಸಂಪರ್ಕವನ್ನು ಸುಧಾರಿಸಲಿದೆ.
ಶೈಖ್ ಝಾಯಿದ್ ರಸ್ತೆ (7th ಇಂಟರ್ಚೇಂಜ್) ಮತ್ತು ಶೈಖ್ ಮುಹಮ್ಮದ್ ಬಿನ್ ಝಾಯಿದ್ ರಸ್ತೆ ನಡುವಿನ ಪ್ರಯಾಣವು ನಾಲ್ಕು ನಿಮಿಷ ಕಡಿಮೆಯಾಗಲಿದೆ. ಅಲ್ ಖೈಲ್ ರಸ್ತೆ, ಶೈಖ್ ಮುಹಮ್ಮದ್ ಬಿನ್ ಝಾಯಿದ್ ರಸ್ತೆ, ಶೈಖ್ ಝಾಯಿದ್ ಬಿನ್ ಹಮ್ದಾನ್ ಅಲ್ ನಹ್ಯಾನ್ ಸ್ಟ್ರೀಟ್ ಮತ್ತು ಎಮಿರೇಟ್ಸ್ ರಸ್ತೆಗೆ ಸಮಾನಾಂತರವಾಗಿ ಅಲ್ ಅಸಾಯಿಲ್ ಸ್ಟ್ರೀಟ್ ಪ್ರಮುಖ ಸಂಚಾರ ಕಾರಿಡಾರ್ ಆಗಿದೆ.
ಈ ಯೋಜನೆಯು ಸ್ಥಳೀಯ ಆರ್ಥಿಕತೆಗೆ ಸಹಾಯ ಮಾಡಲಿದ್ದು, ಇದು ಅಲ್ ಫರ್ಝಾನ್, ಡಿಸ್ಕವರಿ ಗಾರ್ಡನ್ಸ್ ಮತ್ತು ಜಬೆಲ್ ಅಲಿ ಡೆವಲಪ್ಮೆಂಟ್ನಂತಹ ಅಭಿವೃದ್ಧಿ ಯೋಜನೆಗಳಿಗೆ ಹೆಚ್ಚುವರಿ ಪ್ರವೇಶ / ಎಕ್ಸಿಟ್ ಪಾಯಿಂಟ್ಗಳನ್ನು ಸಹ ನೀಡಲಿದೆ.
ಯುನೈಟೆಡ್ ಅರಬ್ ಎಮಿರೇಟ್ಸ್ ಹೊಸ ಯೋಜನೆಯು ಉಪಾಧ್ಯಕ್ಷ, ಪ್ರಧಾನಿ ಮತ್ತು ದುಬೈ ಆಡಳಿತಗಾರ ಶೈಖ್ ಮುಹಮ್ಮದ್ ಬಿನ್ ರಾಶಿದ್ ಆಲ್ ಮಕ್ತೂಮ್ ಅವರ ನಿರ್ದೇಶನಕ್ಕೆ ಅನುಗುಣವಾಗಿ ನಿರ್ಮಿಸಲಾಗಿದೆ ಎಂದು ಆರ್ಟಿಎ ಅಧ್ಯಕ್ಷ ಮತಾರ್ ಅಲ್-ತಾಯರ್ ಹೇಳಿದರು.
ಅಲ್ ಯಲಾಯಿಸ್ ಸ್ಟ್ರೀಟ್ ಅನ್ನು ಶೈಖ್ ಝಾಯಿದ್ ರಸ್ತೆಯ 7 ನೇ ಇಂಟರ್ಚೇಂಜ್ ನಿಂದ ಅಲ್ ಹೂದ್ ಇಂಟರ್ ಚೇಂಜ್ ನ ಶೈಖ್ ಮುಹಮ್ಮದ್ ಬಿನ್ ಝಾಯಿದ್ ರಸ್ತೆಯವರೆಗೆ ಆರು ಕಿಲೋಮೀಟರ್ ವಿಸ್ತಾರದಿಂದ ಸುಧಾರಿಸಲಾಗುತ್ತಿದೆ. ಅಲ್ ಅಸಾಯಲ್ ಸ್ಟ್ರೀಟ್, ಜುಮೈರಾ ದ್ವೀಪಗಳು, ಎಮಿರೇಟ್ಸ್ ಹಿಲ್ಸ್ನೊಂದಿಗೆ ಜಾಫ್ಸಾವನ್ನು ಸಂದಿಸಲು ಐದು ಕಿಲೋಮೀಟರ್ ವಿಭಾಗಕ್ಕೆ ನವೀಕರಿಸಲಾಗಿದೆ. ಗಂಟೆಗೆ 9,000 ವಾಹನಗಳು ಈ ಮೂಲಕ ಪ್ರಯಾಣಿಸಬಲ್ಲದು ಎಂದು ಅಲ್ ತಾಯರ್ ವಿವರಿಸಿದರು.
ಇನ್ನಷ್ಟು ಸುದ್ದಿಗಳು
ಸೌದಿಯ ವೈಮಾನಿಕ ದಾಳಿ ಇರಾಕಿ ಜನತೆ ಅಥವಾ ಸರ್ಕಾರದ ವಿರುದ್ಧವಲ್ಲ- ಸೌದಿ ಅರೇಬಿಯಾ
ಇಸ್ರೇಲಿ ಉತ್ಪನ್ನಗಳ ಆಮದು ನಿಷೇಧ: ಐರ್ಲೆಂಡ್ ಕ್ರಮವನ್ನು ಸ್ವಾಗತಿಸಿದ ಕತಾರ್
ಪ್ರಾದೇಶಿಕ ಮಟ್ಟದಲ್ಲಿ ಅನಿಶ್ಚಿತತೆ: ಮೂರು ಗಲ್ಫ್ ದೇಶಗಳಿಗೆ ವಿಮಾನ ಸೇವೆ ಸ್ಥಗಿತ
ಅನಿವಾಸಿ ಭಾರತೀಯರ ಪಾಸ್ಪೋರ್ಟ್ ಶುಲ್ಕ ಹೆಚ್ಚಳ: ಮೂರು ವಾರಗಳಲ್ಲಿ ನಿರ್ಧಾರ ತಿಳಿಸುವಂತೆ ಕೇಂದ್ರಕ್ಕೆ ಕೋರ್ಟ್ ನಿರ್ದೇಶನ
ಹೋರ್ಮುಜ್ ಮೂಲಕ ಸುರಕ್ಷಿತ ಸಾರಿಗೆ- ಪ್ರಮುಖ ಚರ್ಚೆಗಾಗಿ ಇರಾನ್ಗೆ ತಲುಪಿದ ಒಮಾನ್ ನಿಯೋಗ
ಉಮ್ರಾ ಯಾತ್ರಿಕರಿಗೆ ಸಿಹಿ ಸುದ್ದಿ: ಒಂದು ವರ್ಷ ಕಾಲಾವಧಿಯ ‘ಮಲ್ಟಿ ಎಂಟ್ರಿ’ ಉಮ್ರಾ ವೀಸಾ ಬಿಡುಗಡೆ
ಭಾರತದ ವಿಮಾನ ಪ್ರಯಾಣಿಕರಿಗೆ ಸಿಹಿ ಸುದ್ದಿ: ಟಿಕೆಟ್ ದರಕ್ಕೆ ಮಾಸಿಕ ಕಂತಿನ ಸೌಲಭ್ಯ
ನಿಖರವಲ್ಲದ ಸುದ್ದಿ ಹಂಚಿಕೊಂಡರೆ ಅಪಾಯ- ನಕಲಿ ಸುದ್ದಿಗಳ ವಿರುದ್ಧ ಸೌದಿಯಲ್ಲಿ ಎಚ್ಚರಿಕೆ
ಸೌದಿ: ‘ಏಕೀಕೃತ ರಾಷ್ಟ್ರೀಯ ವೀಸಾ ಪ್ಲಾಟ್ಫಾರ್ಮ್’ ಅನುಷ್ಠಾನಕ್ಕೆ- ವೀಸಾ ಪ್ರಕ್ರಿಯೆಗಳು ಇನ್ನಷ್ಟು ಸುಲಭ
ಅಂತಾರಾಷ್ಟ್ರೀಯ ಸರ್ವೀಸ್ಗಳಲ್ಲಿ ದರ ಕಡಿತ – ಏರ್ ಇಂಡಿಯಾ ಎಕ್ಸ್ಪ್ರೆಸ್ ಘೋಷಣೆ