ಮಕ್ಕಾ: ಈ ವರ್ಷದ ಸ್ವದೇಶಿಗಳ ಹಜ್ ಬುಕ್ಕಿಂಗ್ ದುಲ್ ಖಅದ್ ಒಂದಕ್ಕೆ ಪ್ರಾರಂಭಗೊಳ್ಳಲಿದೆ ಎಂದು ಹಜ್ ಖಾತೆಯ ಸಚಿವಾಲಯ ತಿಳಿಸಿದೆ. ಹಜ್ ನಿರ್ವಹಿಸಲು ಆಗ್ರಹಿಸುವ ಸ್ವದೇಶಿಗಳು ಮತ್ತು ವಿದೇಶೀಯರು ಹಜ್ ಸಚಿವಾಲಯದ ಅಧಿಕೃತ ವೆಬ್‌ಸೈಟ್‌ www.localhaj.haj.gov.sa ಎಂಬ ಪೋರ್ಟಲ್ ಮೂಲಕ ನೋಂದಣಿ ಮಾಡಬೇಕು.
ಈ ವರ್ಷ ಸ್ಥಳೀಯರ ಹಜ್ ಪ್ಯಾಕೇಜ್ ಗೆ ಅತಿ ಕಡಿಮೆ ಎಂದರೆ 3,465 ರಿಯಾಲ್ ಮತ್ತು ಗರಿಷ್ಟ 11,905 ರಿಯಾಲ್ ದರ ನಿಗದಿಯಾಗಿದೆ. ಜೊತೆಗೆ ಮೌಲ್ಯವರ್ಧಿತ ತೆರಿಕೆ ಕೂಡ ಪಾವತಿಸಬೇಕಾಗುತ್ತದೆ. ಜನರಲ್ ಪ್ಯಾಕೇಜ್ (ಅಲ್ ದಿಯಾಫ), ಎಕಾನಮಿ 1 (ಇಖ್ತಿಸಾದಿ 1), ಎಕಾನಮಿ 2 (ಇಖ್ತಿಸಾದಿ 2) ಮುಂತಾದ ಹೆಸರುಗಳಲ್ಲಿ ಈ ವರ್ಷದ ಹಜ್ ದರಗಳು ನಿಗದಿಯಾಗಿದೆ.
ಹಜ್ ಸೇವಾ ರಂಗದಲ್ಲಿರುವ ಕಂಪೆನಿಗಳ ವಿವರಗಳು ಹಜ್ಜಾಜ್‌ಗಳಿಗೆ ಲಭಿಸಲಿರುವ ವಿವಿಧ ಸೇವೆಗಳ ವಿವರಗಳು ಹಜ್ ಸಚಿವಾಲಯದ ಪೋರ್ಟಲ್ ಮೂಲಕ ಲಭಿಸಲಿದೆ. ಈ ವರ್ಷ ಕಡಿಮೆ ದರದ ಪ್ಯಾಕೇಜ್ ಮೂಲಕ ಹೆಚ್ಚಿನ ಮಂದಿಗೆ ಹಜ್ ನಿರ್ವಹಿಸುವ ಅವಕಾಶ ಲಭಿಸಲಿದ್ದು, 190 ಹಜ್ ಸೇವಾ ಸಂಸ್ಥೆಗಳ ಮೂಲಕ 2,30,000 ಸ್ಥಳೀಯ ಹಜ್ಜಾಜ್‌ಗಳಿಗೆ ಅವಕಾಶ ಲಭಿಸಲಿದೆ.
