ಡಿಕೆಯಸ್ಸಿ ಮಕ್ಕತುಲ್ ಮುಕರ್ರಮಃ ವಾರ್ಷಿಕ ಮಹಾಸಭೆ: ನೂತನ ಪದಾಧಿಕಾರಿಗಳ ಆಯ್ಕೆ

ಮಕ್ಕಾ: ದಕ್ಷಿಣ ಕರ್ನಾಟಕ ಸುನ್ನಿ ಸೆಂಟರ್ (ರಿ) ಮಂಗಳೂರು ಇದರ ಮಕ್ಕಾ ವಲಯದ ಅಧೀನಕ್ಕೊಳಪಟ್ಟ ಮಕ್ಕತುಲ್ ಮುಕರ್ರಮ ಘಟಕದ ವಾರ್ಷಿಕ ಮಹಾಸಭೆಯು ಇತ್ತೀಚೆಗೆ ಕಾಕ್ಕಿಯ್ಯದಲ್ಲಿ ಅತ್ಯಂತ ಯಶಸ್ವಿಯಾಗಿ ಜರಗಿತು.

ದಿನಾಂಕ 25, ಜೂನ್ 2026ರ ಗುರುವಾರ ರಾತ್ರಿ 10 ಗಂಟೆಗೆ ಸರಿಯಾಗಿ ಆರಂಭಗೊಂಡ ಈ ಮಹಾಸಭೆಯ ಘನ ಅಧ್ಯಕ್ಷತೆಯನ್ನು ಡಿಕೆಯಸ್ಸಿ ಕೇಂದ್ರ ಆರ್ಗನೈಝರ್ ಉಸ್ತಾದ್ ಅಬ್ದುರ್ರಶೀದ್ ಸಅದಿ ಯವರು ವಹಿಸಿದ್ದರು. ಸಭೆಯನ್ನುದ್ದೇಶಿಸಿ ಮಾತನಾಡಿದ ಅವರು, ಸಂಘಟನೆಯ ಬೆಳವಣಿಗೆಯನ್ನು ಶ್ಲಾಘಿಸಿ ದುಆ ನೆರವೇರಿಸಿದರು.

ಮಕ್ಕತುಲ್ ಮುಕರ್ರಮ ಝೋನ್ ಸಂವಹಣಾ ಕಾರ್ಯದರ್ಶಿ ಇಬ್ರಾಹೀಂ ಕಣ್ಣಂಗಾರ್ ಅವರು ಸಭೆಗೆ ಆಗಮಿಸಿದ ಸರ್ವ ಸದಸ್ಯರನ್ನು ಆತ್ಮೀಯವಾಗಿ ಸ್ವಾಗತಿಸಿದರು. ತದನಂತರ ಕಳೆದ ಸಾಲಿನ ವಾರ್ಷಿಕ ವರದಿ ಮತ್ತು ಪ್ರವರ್ತನಾ ವರದಿಯನ್ನು ಅನ್ಸಾರ್ ಉಳ್ಳಾಲ ಅವರು ಸಭೆಯ ಮುಂದಿಟ್ಟು ಮಂಡಿಸಿದರು.
ನೂತನ ಪದಾಧಿಕಾರಿಗಳ ನೇಮಕ
ಸಭೆಯಲ್ಲಿ ಮುಂಬರುವ ಸಾಲಿಗಾಗಿ ನೂತನ ಪದಾಧಿಕಾರಿಗಳ ಆಯ್ಕೆ ಪ್ರಕ್ರಿಯೆ ನಡೆಯಿತು. ಸರ್ವಾನುಮತದಿಂದ ಈ ಕೆಳಗಿನವರನ್ನು ಪ್ರಮುಖ ಜವಾಬ್ದಾರಿಗಳಿಗೆ ಆರಿಸಲಾಯಿತು:

• ಅಧ್ಯಕ್ಷರು: ಶಂಸುದ್ದೀನ್ ಪಾಲಕ್ಕಾಡ್
• ಪ್ರಧಾನ ಕಾರ್ಯದರ್ಶಿ: ಅಬ್ದುಲ್ ಖಾದರ್ ರಶೀಖ್ ಕೈಕಂಬ
• ಹಣಕಾಸು ಕಾರ್ಯದರ್ಶಿ: ಮೊಯಿದಿನ್ ಖಾದರ್ ಕಾಂಜರಿಕಟ್ಟೆ

ಇದರೊಂದಿಗೆ ಘಟಕದ ಮುಂದಿನ ಚಟುವಟಿಕೆಗಳನ್ನು ಸುಗಮವಾಗಿ ನಡೆಸಲು ಮತ್ತು ಸಂಘಟನೆಯನ್ನು ಬಲಪಡಿಸಲು 12 ಮಂದಿ ಸಕ್ರಿಯ ಸದಸ್ಯರನ್ನು ಕಾರ್ಯಕಾರಿ ಸಮಿತಿಗೆ ಆಯ್ಕೆ ಮಾಡಲಾಯಿತು.
ಸಭೆಯ ಕೊನೆಯಲ್ಲಿ ಮೂಸಾ ಹಾಜಿ ಕಿನ್ಯ ಅವರು ಧನ್ಯವಾದ ಸಮರ್ಪಿಸಿದರು. ಮಹಾಸಭೆಯಲ್ಲಿ ಘಟಕದ ಪ್ರಮುಖರು, ಪದಾಧಿಕಾರಿಗಳು ಹಾಗೂ ಅಪಾರ ಸಂಖ್ಯೆಯ ಕಾರ್ಯಕರ್ತರು ಉಪಸ್ಥಿತರಿದ್ದರು.