ಬಿಹಾರ: 48 ಗಂಟೆಗಳಲ್ಲಿ 34 ಮಂದಿ ಸಿಡಿಲು ಬಡಿದು ಮೃತ್ಯು

ಪಾಟ್ನಾ |ಬಿಹಾರದಲ್ಲಿ ಕಳೆದ 48 ಗಂಟೆಯೊಳಗೆ 34 ಮಂದಿ ಸಿಡಿಲು ಬಡಿದು ಮೃತಪಟ್ಟಿದ್ದಾರೆ. ಆರು ಮಂದಿ ಗಾಯಗೊಂಡಿದ್ದಾರೆ. ನಳಂದ ಮತ್ತು ವೈಶಾಲಿ ಜಿಲ್ಲೆಗಳಲ್ಲಿ ಅತಿ ಹೆಚ್ಚು ಮರಣಗಳು ವರದಿಯಾಗಿವೆ.

ರಾಜ್ಯದ ಹತ್ತು ಜಿಲ್ಲೆಗಳಿಂದ ಸಾವುಗಳು ವರದಿಯಾಗಿವೆ. ಬಂಕಾ, ಪಾಟ್ನಾ, ಶೇಖ್‌ಪುರ, ನವಾಡ, ಜೆಹಾನಾಬಾದ್, ಔರಂಗಾಬಾದ್, ಜಮುಯಿ ಮತ್ತು ಸಮಸ್ತಿಪುರದಂತಹ ಜಿಲ್ಲೆಗಳಲ್ಲಿಯೂ ಸಾವುಗಳು ಸಂಭವಿಸಿವೆ.

ಘಟನೆಗೆ ಬಿಹಾರ ಮುಖ್ಯಮಂತ್ರಿ ಸಂತಾಪ ಸೂಚಿಸಿದ್ದು, ಮೃತರ ಕುಟುಂಬಗಳಿಗೆ ತಲಾ 4 ಲಕ್ಷ ರೂಪಾಯಿಗಳ ಆರ್ಥಿಕ ನೆರವು ಘೋಷಿಸಿದ್ದಾರೆ.