ಕತಾರ್‌ಗೆ ಆಗಮಿಸುವ ಪ್ರಯಾಣಿಕರಿಗೆ ಇನ್ಮುಂದೆ ಕ್ವಾರಂಟೈನ್ ಅಗತ್ಯವಿಲ್ಲ

ದೋಹಾ,ಸೆ.1: ಪ್ರಯಾಣ ನೀತಿಯಲ್ಲಿ ಹೊಸ ಬದಲಾವಣೆಗಳನ್ನು ಕತಾರ್ ಘೋಷಿಸಿದೆ. ಕತಾರ್‌ಗೆ ಆಗಮಿಸುವ ಎಲ್ಲಾ ಪ್ರಯಾಣಿಕರಿಗೆ ಕ್ವಾರಂಟೈನ್ ಅನ್ನು ಮನ್ನಾ ಮಾಡಲಾಗಿದೆ. ಹೊ ನಿರ್ಧಾರವನ್ನು ಸಾರ್ವಜನಿಕ ಆರೋಗ್ಯ ಸಚಿವಾಲಯ ಪ್ರಕಟಿಸಿದೆ. ಹೊಸ ನಿಯಮವು ಸೆಪ್ಟೆಂಬರ್ 4 ರಿಂದ ಜಾರಿಗೆ ಬರಲಿವೆ.

ಕತಾರ್‌ಗೆ ಆಗಮಿಸುವ ದೇಶೀಯರು ಮತ್ತು ನಿವಾಸ ವೀಸಾ ಹೊಂದಿರುವವರು ಎಂದಿನಂತೆ ಅನುಮೋದಿತ ಲ್ಯಾಬ್ ಅಥವಾ PHCC ಯಿಂದ 24 ಗಂಟೆಗಳ ಒಳಗೆ ರಾಪಿಡ್ ಟೆಸ್ಟ್ ಪರೀಕ್ಷೆಗೆ ಒಳಗಾಗಬೇಕು.

ಸಂದರ್ಶಕರು ಕತಾರ್‌ಗೆ ಆಗಮಿಸುವ 48-ಗಂಟೆಗಳ ಒಳಗಿನ ಕೋವಿಡ್ ಪಿಸಿಆರ್ ಪರೀಕ್ಷೆಯ ಫಲಿತಾಂಶ ಅಥವಾ 24-ಗಂಟೆಗಳ ಹಿಂದಿನ ರಾಪಿಡ್ ಆಂಟಿಜೆನ್ ಪರೀಕ್ಷೆಯ ಫಲಿತಾಂಶವನ್ನು ಪ್ರಸ್ತುತಪಡಿಸಬೇಕು.

ಕೋವಿಡ್ ಪ್ರಕರಣಗಳು ಕಡಿಮೆಯಾಗುತ್ತಿರುವ ಹಿನ್ನೆಲೆಯಲ್ಲಿ ವಿನಾಯಿತಿಗಳನ್ನು ನೀಡಲಾಗಿದೆ. ಇದರೊಂದಿಗೆ, ಕೋವಿಡ್ ಹರಡುವಿಕೆಯ ಮಟ್ಟಕ್ಕೆ ಅನುಗುಣವಾಗಿ ದೇಶಗಳನ್ನು ವರ್ಗೀಕರಿಸುವ ವಿಧಾನವನ್ನು ಸಹ ಕತಾರ್ ಕೊನೆಗೊಳಿಸಿದೆ.

ಕಳೆದ ದಿನ ಮಾಸ್ಕ್ ಧರಿಸುವುದರಲ್ಲಿ ವಿನಾಯಿತಿ ಘೋಷಿಸಲಾಗಿದೆ.ಮಾಲ್ ಸೇರಿದಂತೆ ಮುಚ್ಚಿದ ಕೇಂದ್ರಗಳಲ್ಲಿ ಇಂದಿನಿಂದ ಮಾಸ್ಕ್ ಧರಿಸುವ ಅಗತ್ಯವಿಲ್ಲ.