ರಾಜ್ಯದ 28 ಜಿಲ್ಲೆಗಳಲ್ಲಿ ಇಂದಿನಿಂದ ಬಸ್ ಸಂಚಾರ ಆರಂಭ

ಬೆಂಗಳೂರು,ಜೂ.21: ಮೈಸೂರು ಮತ್ತು ದಕ್ಷಿಣ ಕನ್ನಡ ಜಿಲ್ಲೆ ಹೊರತುಪಡಿಸಿ ರಾಜ್ಯದ 28 ಜಿಲ್ಲೆಗಳಲ್ಲಿ ಸೋಮವಾರದಿಂದ ಸರಕಾರಿ ಬಸ್‌ ಸಂಚಾರ ಮರು ಆರಂಭವಾಗಲಿದೆ. ಮೊದಲ ದಿನ ಶೇ. 34ರಷ್ಟು ಬಸ್‌ಗಳು ಓಡಾಟ ಆರಂಭಿಸಲಿದ್ದು, ಜನರ ಒತ್ತಡ ಗಮನಿಸಿ ಅದನ್ನು ಹೆಚ್ಚಿಸಲು ನಿರ್ಧರಿಸಲಾಗಿದೆ. ಈ ನಡುವೆ, ಖಾಸಗಿ ಬಸ್‌ ಸಂಚಾರ ಸದ್ಯಕ್ಕೆ ಆರಂಭವಾಗುವುದಿಲ್ಲಎಂದು ಮಾಲೀಕರ ಸಂಘಟನೆ ಹೇಳಿದೆ. ಆದರೆ, ಹೆಚ್ಚಿನ ಕಡೆಗಳಲ್ಲಿ ಸಂಚಾರಕ್ಕೆ ಸಿದ್ಧತೆಗಳು ನಡೆದಿವೆ.

ಮೈಸೂರು ಜಿಲ್ಲೆಯಲ್ಲಿ ಕಠಿಣ ನಿರ್ಬಂಧಗಳಿರುವುದರಿಂದ ಮತ್ತು ದಕ್ಷಿಣ ಕನ್ನಡದಲ್ಲಿ ಸೋಂಕು, ಸಾವಿನ ಸಂಖ್ಯೆ ಇನ್ನೂ ಹೆಚ್ಚಿರುವುದರಿಂದ ಇಲ್ಲಿ ಬಸ್‌ ಸಂಚಾರ ಆರಂಭಿಸುವುದಿಲ್ಲಎಂದು ಕೆಎಸ್ಸಾರ್ಟಿಸಿ ತಿಳಿಸಿದೆ. ಈ ಎರಡೂ ಜಿಲ್ಲೆಗಳ ಮೂಲಕ ಸಾಗುವ ದೂರ ಮಾರ್ಗದ ಬಸ್‌ಗಳಿಗೆ ಇಲ್ಲಿನ ಬಸ್‌ ನಿಲ್ದಾಣಗಳಲ್ಲಿ ಪ್ರಯಾಣಿಕರನ್ನು ಇಳಿಸಲು, ಹತ್ತಿಸಿಕೊಳ್ಳಲು ಅವಕಾಶವಿರುವುದಿಲ್ಲ.

ಸಮಯ ಪೂರಕ ಸಂಚಾರ: 16 ಜಿಲ್ಲೆಗಳಲ್ಲಿಸಂಜೆ 5 ಗಂಟೆವರೆಗೆ, 12 ಜಿಲ್ಲೆಗಳಲ್ಲಿಮಧ್ಯಾಹ್ನ 2 ಗಂಟೆಯವರೆಗೆ ಮಾತ್ರ ವ್ಯವಹಾರವಿರುತ್ತದೆ.