ವಾಷಿಂಗ್ಟನ್, ಡಿ 13 (ಯುಎನ್ಐ): ಇಂಗಾಲದ ಪ್ರಮಾಣ ಸಾಕಷ್ಟು ಕಡಿಮೆಯಾಗುವವರೆಗೆ ಎಲ್ಲಾ ವಿಶ್ವ ನಾಯಕರು ತಮ್ಮ ಸಂಬಂಧಿತ ರಾಷ್ಟ್ರಗಳಲ್ಲಿ ಹವಾಮಾನ ತುರ್ತು ಪರಿಸ್ಥಿತಿ ಘೋಷಿಸಬೇಕು ಎಂದು ವಿಶ್ವಸಂಸ್ಥೆಯ ಪ್ರಧಾನ ಕಾರ್ಯದರ್ಶಿ ಆಂಟೋನಿಯೋ ಗುಟೆರಸ್ ಭಾನುವಾರ ಮನವಿ ಮಾಡಿದ್ದಾರೆ.
ಈ ಕುರಿತು ವಿಡಿಯೋ ಬಿಡುಗಡೆಗೊಳಿಸಿರುವ ಅವರು, ಇದೇ ರೀತಿ ಮುಂದುವರಿದಲ್ಲಿ ಈ ಶತಮಾನದ ಅಂತ್ಯದಲ್ಲಿ ನಾವು ಮೂರು ಡಿಗ್ರಿ ತಾಪಮಾನದ ಏರಿಕೆ ಕಾಣುವ ಸಾಧ್ಯತೆಯಿದೆ. ಈಗಾಗಲೇ 38 ರಾಷ್ಟ್ರಗಳು ಹವಾಮಾನ ತುರ್ತು ಪರಿಸ್ಥಿತಿ ಘೋಷಿಸಿವೆ. ಆದ್ದರಿಂದ ಇತರರು ಈ ಉದಾಹರಣೆಯನ್ನು ಅನುಕರಿಸದಿರಲು ಯಾವುದೇ ಕಾರಣಗಳಿಲ್ಲ ಎಂದಿದ್ದಾರೆ.
ನಾವು ಒಂದು ನಾಟಕೀಯ ತುರ್ತು ಪರಿಸ್ಥಿತಿಯನ್ನು ಎದುರಿಸುತ್ತಿದ್ದೇವೆ ಎಂಬುದನ್ನು ಯಾರಾದರೂ ಅಲ್ಲಗೆಳೆಯಲು ಸಾಧ್ಯವೇ? ಆದ್ದರಿಂದ ಇದು ನಾವು ವಿಶ್ವದ ಎಲ್ಲಾ ನಾಯಕರಿಗೆ ಹವಾಮಾನ ತುರ್ತು ಪರಿಸ್ಥಿತಿ ಘೋಷಿಸಬೇಕು ಎಂದು ಮನವಿ ಮಾಡುತ್ತಿದ್ದೇನೆ ಎಂದಿದ್ದಾರೆ.
