ಕಿನ್ಯಾ: ಇಲ್ಲಿನ ಪ್ರಖ್ಯಾತ ಕೇಂದ್ರ ಜುಮಾ ಮಸೀದಿಯಲ್ಲಿ ಸುದೀರ್ಘ ಕಾಲ ಮುಅದ್ಸಿನ್ ಆಗಿ ಸೇವೆ ಸಲ್ಲಿಸುತ್ತಿದ್ದ ಕೆ.ಬಿ.ಅಬ್ದುಲ್ಲಾಹ್ ಮುಕ್ರಿಕ ನಿನ್ನೆ ರಾತ್ರಿ ಇಹಲೋಕ ತ್ಯಜಿಸಿದ್ದಾರೆ.
ಇತ್ತೀಚೆಗೆ ನಮ್ಮನ್ನಗಲಿದ ಮರ್ಹೂಮ್ ಕೆ. ಬಿ. ಅಬ್ದುರ್ರಹ್ಮಾನ್ ಉಸ್ತಾದರ ಸಹೋದರರಾದ ಇವರು ತನ್ನ ಅಣ್ಣ ಅಗಲಿದ ಏಳನೇ ದಿನದಂದು ಕಿನ್ಯಾ ಕೇಂದ್ರ ಮಸೀದಿಯಲ್ಲೇ ಕೊನೆಯುಸಿರೆಳೆದಿದ್ದಾರೆ.
ಕಿನ್ಯಾ ಹಾಗೂ ಪರಿಸರ ಪ್ರದೇಶಗಳಲ್ಲೆಲ್ಲ ಅದ್ರಾಮುಕ್ರಿಕ ಮತ್ತು ಅದ್ಲ ಮುಕ್ರಿಕ ಎಂದೇ ಈ ಇಬ್ಬರು ಸಹೋದರರು ಪ್ರಸಿದ್ಧಿಯಾಗಿದ್ದರು. ಪಾರಂಪರಿಕವಾಗಿ ಮುಕ್ರಿಕಾ ಕುಟುಂಬದವರಾದ ಅವರು,ಕಿನ್ಯಾ ಮಸೀದಿಯಲ್ಲಿ ಸೇವೆ ಗೈಯುತ್ತಿದ್ದ ತಂದೆಯ ಅಗಲಿಕೆ ನಂತರ ಅದೇ ಸ್ಥಾನದಲ್ಲಿ ಸೇವೆ ಗೈಯುತ್ತಾ ಬಂದಿದ್ದರು.
ಮೃತರು ಪತ್ನಿ ಇಬ್ಬರು ಪುತ್ರರು ಹಾಗೂ ನಾಲ್ವರು ಪುತ್ರಿಯರನ್ನು ಮತ್ತು ಅಪಾರ ಬಂಧು ಮಿತ್ರರನ್ನು ಅಗಲಿದ ಅವರ ಪರಲೋಕ ಜೀವನ ಹಸನಾಗಿರಲಿ. ಅವರ ಅಗಲಿಕೆಯನ್ನು ಸಹಿಸುವ ಶಕ್ತಿಯನ್ನು ಅವರ ಕುಟುಂಬಸ್ಥರಿಗೆ ಅಲ್ಲಾಹನು ದಯಪಾಲಿಸಲಿ.
ಮೃತರ ಅಗಲಿಕೆಗೆ ಕಿನ್ಯಾ ಕೇಂದ್ರ ಜುಮಾ ಮಸೀದಿಯ ಆಡಳಿತ ಸಮಿತಿ ಹಾಗೂ ಸುನ್ನೀ ಸಂಘಟನೆಗಳು ಸಂತಾಪವನ್ನು ಸೂಚಿಸಿ, ಕುರ್ ಆನ್ ಪಾರಾಯಣ, ತಹ್ಲೀಲ್ ಹಾಗೂ ಪ್ರತ್ಯೇಕ ದುಆ ನಡೆಸುವಂತೆಯೂ ಮನವಿ ಮಾಡಿದೆ.
