ಕುವೈತ್ ನಗರ: ಕುವೈತ್ ಪುರಸಭೆಯು ಈದುಲ್ ಫಿತರ್ನ ನಂತರ ಶೇ.50 ವಿದೇಶಿಯರನ್ನು ವಜಾ ಮಾಡಲಿದೆ. ಸಚಿವ ವಲೀದ್ ಅಲ್-ಜಾಸಿಮ್ ಅವರ ನಿರ್ದೇಶನದ ಅನ್ವಯ ಈ ಕ್ರಮ ಕೈಗೊಳ್ಳಲಾಗುತ್ತಿದ್ದು, ದೇಶದಲ್ಲಿ ಜಾರಿಗೆ ತರುತ್ತಿರುವ ದೇಶೀಕರಣ ಚಾಲನೆಯ ಭಾಗವಾಗಿ ಈ ನಡೆ ಎನ್ನಲಾಗಿದೆ.
ಕೋವಿಡ್ 19 ಏಕಾಏಕಿ ಏರುತ್ತಿರುವ ಹಿನ್ನೆಲೆಯಲ್ಲಿ ಪುರಸಭೆಯಲ್ಲಿ ಕೆಲಸ ಮಾಡುತ್ತಿರುವ 50 ಶೇಕಡಾ ವಿದೇಶಿಯರನ್ನು ವಜಾ ಮಾಡಲು ಸಚಿವ ವಲೀದ್ ಅಲ್-ಜಾಸಿಮ್ ಆದೇಶಿಸಿದ್ದು, ಹೊರಗಿಡಲಾಗುವವರ ಪಟ್ಟಿಯನ್ನು ತಯಾರಿಸಲು ಕ್ರಮ ಕೈಗೊಳ್ಳಲಾಗಿದೆ. ಇಂಜಿನಿಯರ್ಗಳು, ಕಾನೂನು ವೃತ್ತಿಪರರು ಮತ್ತು ಕಾರ್ಯದರ್ಶಿ ಉದ್ಯೋಗದಲ್ಲಿರವವರ ಸಹಿತ ಅನೇಕರು ಕೆಲಸ ಕಳೆದುಕೊಳ್ಳಲಿದ್ದಾರೆ.
ವಿದೇಶಿಯರನ್ನು ಉಳಿಸಿಕೊಳ್ಳುವ ಬಗೆಗಿನ ಅಗತ್ಯ ಬಗ್ಗೆ ಇಲಾಖೆಯ ಮುಖ್ಯಸ್ಥರು ವರದಿಯನ್ನು ಸಲ್ಲಿಸಬೇಕು. ಪುರಸಭೆಯಲ್ಲಿ ಹೊಸ ವಿದೇಶಿಯರ ನೇಮಕಾತಿಯನ್ನೂ ಸ್ಥಗಿತಗೊಳಿಲಾಗಿದೆ.
