ಕುವೈಟ್ ಸಿಟಿ: ಕುವೈತ್ನ ಕೋವಿಡ್ ಹಾಟ್ಸ್ಪಾಟ್ಗಳಾದ ಜಲೀಬ್ ಅಲ್ ಶುಯೂಕ್ ಮತ್ತು ಮೆಹಬೂಲಾದಲ್ಲಿ ಫೀಲ್ಡ್ ಆಸ್ಪತ್ರೆ ಸ್ಥಾಪಿಸುವ ಕಾಮಗಾರಿ ಪ್ರಗತಿಯಲ್ಲಿದೆ. ಕುವೈತ್ ನ್ಯಾಷನಲ್ ಗಾರ್ಡ್ ವಿದೇಶಿಯರಿಗಾಗಿ ತಾತ್ಕಾಲಿಕ ಆಸ್ಪತ್ರೆಗಳನ್ನು ಸ್ಥಾಪಿಸುತ್ತಿದೆ.
ಮಹಬೂಲಾದಲ್ಲಿ ನ್ಯಾಷನಲ್ ಗಾರ್ಡ್ ಸ್ಥಾಪಿಸಿದ ತಾತ್ಕಾಲಿಕ ಪಾಲಿಕ್ಲಿನಿಕ್ ಕಾರ್ಯನಿರ್ವಹಿಸುತ್ತಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ. ಲಾಕ್ಡೌನ್ ಜಾರಿಯಲ್ಲಿರುವ ಮೆಹಬೂಲಾದ ಭಾರತೀಯರು ಸೇರಿದಂತೆ ಅನಿವಾಸಿಗಳಿಗೆ ಈ ಸುದ್ದಿ ಸಮಾಧಾನಕರವಾಗಿದೆ.
ಜಲೀಬ್ನ ಮೂರು ಶಾಲೆಗಳನ್ನು ತಾತ್ಕಾಲಿಕ ಆಸ್ಪತ್ರೆಗಳಾಗಿ ಪರಿವರ್ತಿಸುವ ಪ್ರಕ್ರಿಯೆ ಪೂರ್ಣಗೊಳ್ಳುವ ಹಂತದಲ್ಲಿದೆ. ನ್ಯಾಷನಲ್ ಗಾರ್ಡ್ ವತಿಯಿಂದ ಮಿಶ್ರಿಫ್ ಫೇರ್ಗ್ರೌಂಡ್ಸ್ನಲ್ಲಿ ವಿದೇಶಿಯರ ಚಿಕಿತ್ಸೆಗಾಗಿ ತಾತ್ಕಾಲಿಕ ಆಸ್ಪತ್ರೆಯನ್ನು ಸ್ಥಾಪಿಸಿತ್ತು. ಕೋವಿಡ್ ತಡೆಗಟ್ಟುವ ಕ್ರಮಗಳ ಭಾಗವಾಗಿ ಫೀಲ್ಡ್ ಆಸ್ಪತ್ರೆಗಳನ್ನು ಸ್ಥಾಪಿಸಲು ರಕ್ಷಣಾ ಸಚಿವಾಲಯವನ್ನು ಕ್ಯಾಬಿನೆಟ್ ನಿಯೋಜಿಸಿದೆ. ಈ ಆಸ್ಪತ್ರೆಗಳಲ್ಲಿ ಭಾರತದಿಂದ ಬಂದ ಕ್ಷಿಪ್ರ ಪ್ರತಿಕ್ರಿಯೆ ತಂಡದ ಸೇವೆಗಳು ಲಭ್ಯವಾಗುವ ಸೂಚನೆ ಇದೆ ಎಂದು ವರದಿಯಾಗಿದೆ.
