ದುಬೈ: ದುಬೈ‌ನಲ್ಲಿರುವ ಇಂಡಿಯನ್ ಕಾನ್ಸುಲೇಟ್ ತನ್ನ ಪಾಸ್‌ಪೋರ್ಟ್ ಸೇವೆಯನ್ನು ಭಾಗಶಃ ಪುನಃಸ್ಥಾಪಿಸಿದ್ದು, ಈ ತಿಂಗಳು ಪಾಸ್‌ಪೋರ್ಟ್ ಕಾಲಾವಧಿ ಮುಗಿದವರ, ಮುಗಿಯುವವರಿಗೆ ಮಾತ್ರ ಸೇವೆ ಲಭ್ಯವಿದೆ.
ಸೇವೆಯ ಅಗತ್ಯವಿರುವವರು ಪಾಸ್‌ಪೋರ್ಟ್‌ನ ನಕಲಿನೊಂದಿಗೆ passport.dubai@mea.gov.in ಈ ಮೈಲ್ ವಿಲಾಸದಲ್ಲಿ ತುರ್ತು ಅವಶ್ಯಕತೆ ಬಗ್ಗೆ ಮಾಹಿತಿ ನೀಡಬೇಕು. ಕಾನ್ಸುಲೇಟ್ ಅದಕ್ಕೆ ಅನುಗುಣವಾಗಿ ಅಪಾಯ್ಮೆಂಟ್ ನೀಡುತ್ತದೆ. ಭಾಗಶಃ ಪಾಸ್‌ಪೋರ್ಟ್ ಸೇವೆಯನ್ನು ಈಗ ಶಾರ್ಜಾ ಕಿಂಗ್ ಫೈಝಲ್ ಸ್ಟ್ರೀಟ್‌ನ ಎಚ್‌ಎಸ್‌ಬಿಸಿ ಬ್ಯಾಂಕ್ ಕಟ್ಟಡದಲ್ಲಿರುವ ಬಿಎಲ್‌ಎಸ್ ಕೇಂದ್ರದ ಮೂಲಕ ಒದಗಿಸಲಾಗಿದೆ.
ಅರ್ಜಿ ನಮೂನೆಯನ್ನು ಆನ್‌ಲೈನ್‌ನಲ್ಲಿ ಭರ್ತಿ ಮಾಡಿ ಅಪಾಯ್ಮೆಂಟ್ ಸಮಯದಲ್ಲಿ ಶಾರ್ಜಾದ ಬಿಎಲ್‌ಎಸ್ ಕೇಂದ್ರವನ್ನು ತಲುಪಬೇಕು.ಅವಧಿ ಮುಗಿದ ಮೂರು ವರ್ಷಗಳಲ್ಲಿ ಯಾವುದೇ ತಾಂತ್ರಿಕ ಅಡಚಣೆಗಳಿಲ್ಲದೆ ಪಾಸ್‌ಪೋರ್ಟ್ ನವೀಕರಿಸಬಹುದು ಎಂದು ದೂತವಾಸ ಹೇಳಿದೆ.
