ಸೌದಿ ಅರೇಬಿಯಾ ಉತ್ಪಾದಿಸುವ ಒಂಟೆ ಹಾಲು,ಉತ್ಪನ್ನಗಳು ಜಾಗತಿಕ ಮಾರುಕಟ್ಟೆಯಲ್ಲಿ ಜನಪ್ರಿಯ

ರಿಯಾದ್: ಸೌದಿ ಉತ್ಪಾದಿಸುವ ಒಂಟೆ ಹಾಲು ಮತ್ತು ಸಂಬಂಧಿತ ಉತ್ಪನ್ನಗಳು ಜಾಗತಿಕ ಮಾರುಕಟ್ಟೆಯಲ್ಲಿ ಜನಪ್ರಿಯವಾಗುತ್ತಿವೆ. ಪ್ರಸ್ತುತ ಒಂಟೆ ಉತ್ಪನ್ನಗಳ ಉತ್ಪಾದನೆಗೆಂದೇ ದೇಶದಲ್ಲಿ ಆರು ಫಾರ್ಮ್‌ಗಳು ಕಾರ್ಯನಿರ್ವಹಿಸುತ್ತಿವೆ.

ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಸೌದಿ ಒಂಟೆ ಹಾಲು ಪ್ರತಿ ಲೀಟರ್ ಗೆ 18 ರಿಂದ 20 ಡಾಲರ್ ದರದಲ್ಲಿ ಮಾರಾಟವಾಗುತ್ತಿದೆ. ಇದು ಹಸುವಿನ ಹಾಲಿಗಿಂತ ನಾಲ್ಕು ಪಟ್ಟು ಹೆಚ್ಚು ದುಬಾರಿಯಾಗಿದೆ. ಜಾಗತಿಕ ಮಾರುಕಟ್ಟೆಯಲ್ಲಿ ಒಂಟೆ ಹಾಲಿನ ಪುಡಿಗೂ ಬೆಲೆ ಇದೆ. ಚೀನಾ ಸೇರಿದಂತೆ ದೇಶದ ವ್ಯಾಪಾರಿಗಳಾಗಿದ್ದಾರೆ ಹೆಚ್ಚಿನ ಖರೀದಿದಾರರು. ಕಳೆದ ಎರಡು ವರ್ಷಗಳಿಂದ ಈ ದೇಶಗಳೊಂದಿಗೆ ಹಾಲು ಮತ್ತು ಹಾಲಿನ ಉತ್ಪನ್ನಗಳನ್ನು ವಿನಿಮಯ ಮಾಡಿಕೊಳ್ಳಲಾಗಿದೆ.

ಮರುಭೂಮಿಯ ಹಡಗು ಎಂದು ಕರೆಯಲ್ಪಡುವ ಒಂಟೆಗಳು ಸೌದಿ ಅರೇಬಿಯಾದ ಸಂಸ್ಕೃತಿಗೂ, ಹೃದಯಕ್ಕೂ ಹತ್ತಿರವಾಗಿವೆ. ಆದ್ದರಿಂದಲೇ, ಈ ವರ್ಷವನ್ನು ಒಂಟೆಯ ವರ್ಷವನ್ನಾಗಿ ಆಚರಿಸಲಾಗುತ್ತಿದೆ. ಒಂಟೆ ಉದ್ಯಮ ಕ್ಷೇತ್ರದ ಅಭಿವೃದ್ಧಿಗೂ ವಿವಿಧ ಯೋಜನೆಗಳು ಜಾರಿಯಲ್ಲಿವೆ. ವಿಶ್ವದ ಅತಿದೊಡ್ಡ ಒಂಟೆ ಸ್ಪರ್ಧೆಗಳಲ್ಲಿ ಒಂದಾದ ಕಿಂಗ್ ಅಬ್ದುಲ್ ಅಝೀಝ್ ಒಂಟೆ ಉತ್ಸವವು ಹೆಚ್ಚು ಗಮನ ಸೆಳೆದ ಯೋಜನೆಗಳಲ್ಲಿ ಒಂದಾಗಿದೆ. ಸಾಂಸ್ಕೃತಿಕ, ಪ್ರವಾಸೋದ್ಯಮ ಮತ್ತು ಆರ್ಥಿಕ ಕಾರ್ಯಕ್ರಮವಾಗಿ ಬೆಳೆದಿರುವ ಈ ಉತ್ಸವಕ್ಕೆ ಸಾವಿರಾರು ಪ್ರವಾಸಿಗರು ಸೇರುತ್ತಾರೆ. ಸೌದಿ ಅರೇಬಿಯಾದಲ್ಲಿ ಪ್ರಸ್ತುತ ಹದಿನೆಂಟು ಲಕ್ಷಕ್ಕೂ ಹೆಚ್ಚು ಒಂಟೆಗಳಿವೆ.