ಸೌದಿ ಅರೇಬಿಯಾದ 93 ನೇ ರಾಷ್ಟ್ರೀಯ ದಿನಾಚರಣೆ- ದೇಶದೆಲ್ಲೆಡೆ ಸಂಭ್ರಮ

ರಿಯಾದ್: ಸೌದಿ ಅರೇಬಿಯಾದ 93 ನೇ ರಾಷ್ಟ್ರೀಯ ದಿನಾಚರಣೆಯನ್ನು ನಾಳೆ ಆಚರಿಸಲಾಗುತ್ತದೆ. ದೇಶದೆಲ್ಲೆಡೆ ಸಂಭ್ರಮ, ಸಡಗರದ ವೈವಿಧ್ಯಮಯ ಕಾರ್ಯಕ್ರಮಗಳು ನಡೆಯುತ್ತಿದೆ.

ಸಾರ್ವಜನಿಕ ವಲಯ ಮತ್ತು ಖಾಸಗಿ ವಲಯದ ಸಂಸ್ಥೆಗಳು ದಿನಗಳಿಂದೀಚೆಗೆ ವರ್ಣರಂಜಿತ ಸಮಾರಂಭಗಳನ್ನು ಆರಂಭಿಸಿದೆ.ಅಕ್ಟೋಬರ್ 2ರವರೆಗೆ ಆಚರಣೆ ಮುಂದುವರಿಯಲಿದೆ. ಸ್ಥಳೀಯರು ಮತ್ತು ವಿದೇಶಿಗರು ಆಚರಣೆಯಲ್ಲಿ ಭಾಗವಹಿಸುತ್ತಾರೆ.

ಇಡೀ ದೇಶವೇ ಸಂಭ್ರಮಕ್ಕೆ ಸಜ್ಜಾಗಿದೆ. ರಸ್ತೆಗಳು, ಸೇತುವೆಗಳು ಮತ್ತು ಗಡಿ ಗೇಟ್‌ಗಳು ಸಾರ್ವಜನಿಕ ವಲಯ ಮತ್ತು ಖಾಸಗಿ ವಲಯದ ಸಂಸ್ಥೆಗಳೆಲ್ಲವೂ ದೀಪಾಲಂಕೃತಗೊಂಡಿದೆ.
ಈ ವರ್ಷದ ರಾಷ್ಟ್ರೀಯ ದಿನಾಚರಣೆಯನ್ನು ‘ನಾವು ಕನಸು ಕಾಣುತ್ತೇವೆ, ನಾವು ಸಾಧಿಸುತ್ತೇವೆ’ ಎಂಬ ಶೀರ್ಷಿಕೆಯಡಿಯಲ್ಲಿ ಆಚರಿಸಲಾಗುತ್ತದೆ.

ಸೌದಿ ಜನರಲ್ ಎಂಟರ್ಟೈನ್ಮೆಂಟ್ ಅಥಾರಿಟಿ ದೇಶದ ವಿವಿಧ ಭಾಗಗಳಲ್ಲಿ ವರ್ಣರಂಜಿತ ಕಾರ್ಯಕ್ರಮಗಳನ್ನು ಸಿದ್ಧಪಡಿಸಿದೆ. ಮಿಲಿಟರಿ ಪರೇಡ್, ಏರ್ ಶೋ, ಡ್ರೋನ್ ಶೋ, ಸಂಗೀತ ಕಚೇರಿಗಳು, ಸುಡುಮದ್ದು ಪ್ರದರ್ಶನ, ಐತಿಹಾಸಿಕ ಪ್ರದರ್ಶನ, ಸ್ಪರ್ಧಾ ಕಾರ್ಯಕ್ರಮಗಳು ಇತ್ಯಾದಿಗಳನ್ನು ಪ್ರದರ್ಶಿಸಲಾಗುತ್ತದೆ. ಅಲ್ಲದೆ, ವಿವಿಧ ಸರ್ಕಾರಿ ಮತ್ತು ಖಾಸಗಿ ಸಂಸ್ಥೆಗಳ ಅಡಿಯಲ್ಲಿ ವಿವಿಧ ಕಾರ್ಯಕ್ರಮಗಳು ನಡೆಯುತ್ತಿವೆ.

ವಿವಿಧ ಸಂಸ್ಥೆಗಳು ಆಕರ್ಷಕ ರಿಯಾಯಿತಿ ಮತ್ತು ಕೊಡುಗೆಗಳನ್ನು ಘೋಷಿಸಿವೆ. ರಾಷ್ಟ್ರೀಯ ಆಚರಣೆಯ ಅಂಗವಾಗಿ ಆಯಾ ನಗರಸಭೆಗಳೂ ಅದ್ಧೂರಿ ಕಾರ್ಯಕ್ರಮಗಳನ್ನು ಸಿದ್ಧಪಡಿಸಿವೆ. ದೇಶದಲ್ಲಿ ವಾಸಿಸುವವರ ಸಂಘಟನೆಗಳು ಇತಿಹಾಸ ಅಧ್ಯಯನಗಳು, ಮನರಂಜನಾ ಪ್ರವಾಸಗಳು, ರಸಪ್ರಶ್ನೆ ಸ್ಪರ್ಧೆಗಳು, ಕ್ರೀಡೆಗಳು ಮತ್ತು ಶೈಕ್ಷಣಿಕ ಪ್ರದರ್ಶನಗಳನ್ನು ಆಯೋಜಿಸಿವೆ. ನಾಲ್ಕು ದಿನಗಳ ಹಿಂದೆ ಆರಂಭವಾದ ರಾಷ್ಟ್ರೀಯ ಆಚರಣೆ ಮುಂದಿನ ತಿಂಗಳ ಎರಡನೇ ದಿನದವರೆಗೂ ನಡೆಯಲಿದೆ. ರಾಷ್ಟ್ರೀಯ ದಿನವಾದ ಶನಿವಾರ ದೇಶದಲ್ಲಿ ಸಾರ್ವಜನಿಕ ರಜಾದಿನವಾಗಿದೆ.