ದೋಹಾ: ವಿಶ್ವಕಪ್ ಫುಟ್ಬಾಲ್ ಅಭಿಮಾನಿಗಳು ಮತ್ತು ಸಂಘಟಕರಿಗೆ ನೀಡಲಾದ ಫ್ಯಾನ್ ಐಡಿ ಹಯಾ ಕಾರ್ಡ್‌ನ ಮಾನ್ಯತೆಯನ್ನು ಕತಾರ್ ವಿಸ್ತರಿಸಿದೆ. ದೇಶದ ಹೊರಗಿನ ಹಯಾ ಕಾರ್ಡ್ ಹೊಂದಿರುವವರು ಜನವರಿ 24, 2024 ರವರೆಗೆ ಕತಾರ್‌ಗೆ ಪ್ರವೇಶಿಸಬಹುದು ಎಂದು ಆಂತರಿಕ ಸಚಿವಾಲಯ (Qatar Ministry of Interior) ಪ್ರಕಟಿಸಿದೆ.
ಒಂದು ವರ್ಷಕ್ಕೆ ದೇಶಕ್ಕೆ ಬಹು ಪ್ರವೇಶ(Multiple Entry Permit) ಪರವಾನಗಿಯನ್ನು ನೀಡಲಾಗುತ್ತದೆ. ಪ್ರವಾಸಿಗರು ಇ-ಗೇಟ್(E-gate) ವ್ಯವಸ್ಥೆಯನ್ನು ಸಹ ಬಳಸಬಹುದು. ವಿಶ್ವಕಪ್‌ಗಾಗಿ ಕತಾರ್‌ಗೆ ಬಂದವರಿಗೆ ಮತ್ತೆ ದೇಶಕ್ಕೆ ಭೇಟಿ ನೀಡಲು ಇದು ಅವಕಾಶವಾಗಿದೆ.
ಸಚಿವಾಲಯವು ಹಯ್ಯಾ ಕಾರ್ಡ್ ಹೊಂದಿರುವವರಿಗೆ ಮಾರ್ಗ ನಿರ್ದೇಶಗಳನ್ನು ನೀಡಿದೆ.
1.ಹೋಟೆಲ್ ಕಾಯ್ದಿರಿಸುವಿಕೆ/ಕುಟುಂಬ ಅಥವಾ ಸ್ನೇಹಿತರೊಂದಿಗೆ ವಾಸ್ತವ್ಯದ ಪುರಾವೆಯನ್ನು ಹಯಾ ಪೋರ್ಟಲ್‌ನಲ್ಲಿ ಒದಗಿಸಬೇಕು.
2. ಪಾಸ್ಪೋರ್ಟ್ ಮೂರು ತಿಂಗಳಿಗಿಂತ ಕಡಿಮೆಯಿಲ್ಲದ ಮಾನ್ಯತೆಯನ್ನು ಹೊಂದಿರಬೇಕು.
3. ಆರೋಗ್ಯ ವಿಮಾ ರಕ್ಷಣೆಯನ್ನು ಹೊಂದಿರಬೇಕು.
4. ಮನೆಗೆ ಹಿಂದಿರುಗಲು ವಿಮಾನ ಟಿಕೆಟ್‌ಗಳನ್ನು ಮುಂಚಿತವಾಗಿ ಕಾಯ್ದಿರಿಸಬೇಕು.
5. ‘Hiayya with Me’ ಯೋಜನೆಯ ಮೂಲಕ ಮೂರು ಕುಟುಂಬ ಸದಸ್ಯರು ಅಥವಾ ಸ್ನೇಹಿತರನ್ನು ಕತಾರ್‌ಗೆ ಕರೆತರಬಹುದು.
6. ಯಾವುದೇ ವಿಶೇಷ ಶುಲ್ಕಗಳಿಲ್ಲ.
