ಸೌದಿಯಲ್ಲಿ ಮತ್ತೆ ಭಾರೀ ಮಳೆ- ಹಲವು ಪ್ರದೇಶಗಳು ಜಲಾವೃತ

ರಿಯಾದ್ :ಸೌದಿಯಲ್ಲಿ ಮತ್ತೆ ಭಾರೀ ಮಳೆಯಾಗಿದೆ.ಪಶ್ಚಿಮ ಘಟ್ಟದಲ್ಲಿ ಸುರಿದ ಭಾರಿ ಮಳೆಗೆ ಹಲವು ಪ್ರದೇಶಗಳು ಜಲಾವೃತವಾಗಿವೆ. ಬಲವಾದ ಗಾಳಿಯೊಂದಿಗೆ ಭಾರೀ ಮಳೆಯಾಗಿದೆ.ಇಂದು ಕೂಡ ಮಳೆ ಮುಂದುವರಿದಿದ್ದು, ಜನರು ಎಚ್ಚರಿಕೆ ವಹಿಸಬೇಕು ಎಂದು ನಾಗರಿಕ ರಕ್ಷಣಾ ಇಲಾಖೆ (Department of Civil Defense and Meteorology) ಎಚ್ಚರಿಕೆ ನೀಡಿದೆ.

ತಬೂಕ್ ಪ್ರದೇಶ, ದುಬಾ ಅಲ್-ವಾಜ್, ಉಮ್ಲುಜ್, ಮದೀನಾ ಮತ್ತು ಯಾಂಬುಗಳಲ್ಲಿ ಇಂದು ಭಾರೀ ಮಳೆಯಾಗಿದೆ. ತಬೂಕ್ ಪ್ರದೇಶದ ಕೆಲವು ರಸ್ತೆಗಳು ಮಳೆ ನೀರಿನಿಂದ ಜಲಾವೃತಗೊಂಡಿವೆ. ಹಲವು ಪ್ರದೇಶಗಳು ಜಲಾವೃತಗೊಂಡಿವೆ. ರಸ್ತೆಯ ಮೇಲೆ ಬಂಡೆಗಳು ಬಿದ್ದಿದ್ದರಿಂದ ಸಂಚಾರ ಅಸ್ತವ್ಯಸ್ತಗೊಂಡಿದೆ.

ಮಳೆಯಿಂದಾಗಿ ರಸ್ತೆಗಳು ಜಲಾವೃತಗೊಂಡಿರುವುದರಿಂದ ಮದೀನಾ-ಅಲ್ ಉಲಾ (Madina- Al Ula Road) ರಸ್ತೆಯನ್ನು ತಾತ್ಕಾಲಿಕವಾಗಿ ಎರಡೂ ದಿಕ್ಕುಗಳಲ್ಲಿ ಮುಚ್ಚಲಾಗಿದೆ ಎಂದು ರಸ್ತೆ ಸುರಕ್ಷತಾ ಪಡೆ ತಿಳಿಸಿದೆ. ಈ ಮಾರ್ಗವಾಗಿ ಹೋಗಬೇಕಾದ ಪ್ರಯಾಣಿಕರು ಅಲ್ ಉಲಾ – ಖೈಬರ್ ಮೂಲಕ ಪ್ರಯಾಣ ಬೆಳೆಸುವಂತೆ ಭದ್ರತಾ ಪಡೆ ತಿಳಿಸಿದೆ.

ತಬೂಕ್ ಪ್ರಾಂತ್ಯದ ದುಬಾನಲ್ಲಿ ಬಲವಾದ ಗಾಳಿಯಿಂದಾಗಿ ವಿದ್ಯುತ್ ಟವರ್‌ಗಳು ನೆಲಕ್ಕೆ ಬಿದ್ದವು. ಇದರಿಂದಾಗಿ ವಿವಿಧೆಡೆ ವಿದ್ಯುತ್ ಸರಬರಾಜಿನಲ್ಲಿ ವ್ಯತ್ಯಯ ಉಂಟಾಗಿದೆ. ಕಡಿಮೆ ಮಳೆ ಬೀಳುವ ಪ್ರದೇಶಗಳಲ್ಲಿ ರಸ್ತೆಗಳಲ್ಲಿನ ನೀರನ್ನು ಹರಿಸುವುದರ ಮೂಲಕ ಮತ್ತು ಇತರ ಅಡೆತಡೆಗಳನ್ನು ತೆಗೆದುಹಾಕುವ ಮೂಲಕ ಸಂಚಾರವನ್ನು ಪುನಃಸ್ಥಾಪಿಸಲು ಪ್ರಯತ್ನಿಸಲಾಗಿದೆ.ಮಳೆ ಮುಂದುವರೆಯುವ ಸಾಧ್ಯತೆಯಿದ್ದು, ಜನರು ಎಚ್ಚರದಿಂದಿರಬೇಕು ಎಂದು ನಾಗರಿಕ ರಕ್ಷಣಾ ಮತ್ತು ಹವಾಮಾನ ಇಲಾಖೆ (Department of Civil Defense and Meteorology) ತಿಳಿಸಿದೆ.