ದುಬೈ: ಯುಎಇಯಿಂದ ಭಾರತಕ್ಕೆ ಪ್ರಯಾಣ ಬೆಳೆಸಲು ಇಚ್ಛಿಸುವವರಿಗೆ ಈಗ ಉತ್ತಮ ಸಮಯ. ವಿಮಾನಯಾನ ಸಂಸ್ಥೆಗಳು ಪ್ರಸ್ತುತ ವರ್ಷದ ಅತ್ಯಂತ ಕಡಿಮೆ ದರವನ್ನು ವಿಧಿಸಿದೆ. ಭಾರತಕ್ಕೆ ವಿಮಾನಯಾನ ಟಿಕೆಟ್ಗಳು ಈಗ 300 ದಿರ್ಹಮ್ಗಿಂತ ಕಡಿಮೆ ದರದಲ್ಲಿ ಲಭಿಸುತ್ತಿದೆ.
ಇಂದು ಅಬುಧಾಬಿಯಿಂದ (Abudabi) ಕೋಝಿಕ್ಕೋಡ್ಗೆ ಏರ್ ಅರೇಬಿಯಾ(Air Arabia) ವಿಮಾನದಲ್ಲಿ AED 269 ಕ್ಕೆ ಟಿಕೆಟ್ ಖರೀದಿಸಬಹುದು. ನಾಳೆ ದುಬೈನಿಂದ ಕ್ಯಾಲಿಕಟ್ಗೆ ಸ್ಪೈಸ್ಜೆಟ್(Spice jet) ವಿಮಾನದಲ್ಲಿ 236 ದಿರ್ಹಂ ದರದಲ್ಲಿ ಟಿಕೆಟ್ ಲಭ್ಯವಿದೆ.
ಬೇಸಿಗೆ ರಜೆ ಮುಗಿದ ಬಳಿಕ ಟಿಕೆಟ್ ದರ ಗಣನೀಯವಾಗಿ ಇಳಿಕೆಯಾಗಿದೆ ಎನ್ನುತ್ತಾರೆ ಟ್ರಾವೆಲ್ ಏಜೆಂಟರು. ಆದರೆ ದೀಪಾವಳಿಯ ಕಾರಣ ಈ ತಿಂಗಳ ಅಂತ್ಯದ ವೇಳೆಗೆ ದರಗಳು ಹೆಚ್ಚಾಗುವ ನಿರೀಕ್ಷೆಯಿದೆ. ಏತನ್ಮಧ್ಯೆ,ಭಾರತದಿಂದ ಯುಎಇಗೆ ಹಿಂದಿರುಗುವ ಟಿಕೆಟ್ಗೆ ಸುಮಾರು AED 1,000 ವೆಚ್ಚವಾಗುತ್ತದೆ.
