ಲಸಿಕೆಯನ್ನು ಪೂರ್ಣಗೊಳಿಸದ ಕೋವಿಡ್ ರೋಗಿಗಳಿಗೆ 10 ದಿನಗಳ ಹೋಮ್ ಕ್ವಾರಂಟೈನ್‌-ಸೌದಿ ಆರೋಗ್ಯ ಸಚಿವಾಲಯ

ರಿಯಾದ್: ಲಸಿಕೆಯನ್ನು ಪೂರ್ಣಗೊಳಿಸದ ಕೋವಿಡ್ ರೋಗಿಗಳು 10 ದಿನಗಳವರೆಗೆ ಹೋಮ್ ಕ್ವಾರಂಟೈನ್‌ ಗೆ ಬದ್ಧರಾಗಿರಬೇಕು ಎಂದು ಸೌದಿ ಆರೋಗ್ಯ ಸಚಿವಾಲಯವು ಹೇಳಿದೆ. ಕೊನೆಯ ಮೂರು ದಿನಗಳಲ್ಲಿ ಔಷಧಿಯಿಲ್ಲದೆ ಜ್ವರ ವಾಸಿಯಾದರೆ ಮಾತ್ರ ಮತ್ತು ಇತರ ರೋಗಲಕ್ಷಣಗಳು ಕಡಿಮೆಯಾದರೆ ಮಾತ್ರ ಹತ್ತನೇ ದಿನಕ್ಕೆ ಕ್ವಾರಂಟೈನ್ ಅನ್ನು ಕೊನೆಗೊಳಿಸಬಹುದು ಎಂದು ಸಚಿವಾಲಯ ಹೇಳಿದೆ. 

ಲಸಿಕೆಯನ್ನು ಪೂರ್ಣಗೊಳಿಸಿದವರಲ್ಲಿ ಕೋವಿಡ್ ಸೋಂಕು ದೃಢಪಟ್ಟರೆ, ಧನಾತ್ಮಕ ಮಾದರಿಯನ್ನು ತೆಗೆದುಕೊಂಡು ಏಳು ದಿನಗಳವರೆಗೆ ಹೋಮ್ ಕ್ವಾರಂಟೈನ್ ಅನುಸರಿಸಿದರೆ ಸಾಕು. ಇವರಿಗೆ ಕೊನೆಯ 24 ಗಂಟೆಗಳ ಕಾಲ ಔಷಧಿಗಳನ್ನು ತೆಗೆದುಕೊಳ್ಳದೆ ಜ್ವರದ ಯಾವುದೇ ಲಕ್ಷಣಗಳನ್ನು ಹೊಂದಿರಬಾರದು ಮತ್ತು ಇತರ ಕೋವಿಡ್ ರೋಗಲಕ್ಷಣಗಳು ಕಡಿಮೆಯಾಗಿಅರಬೇಕು. ಕ್ವಾರಂಟೈನ್ ಅವಧಿಯು ಮುಗಿದು, ರೋಗಮುಕ್ತಿ ಪರಿಸ್ಥಿತಿಗಳನ್ನು ಸಾಧಿಸಿದ ನಂತರ ಪಿಸಿಆರ್ ಪರೀಕ್ಷೆಯನ್ನು ದೃಢೀಕರಿಸುವ ಅಗತ್ಯವಿಲ್ಲ. ರೋಗ ವಾಸಿಯಾದ ಕೂಡಲೇ ಪ್ರಾಥಮಿಕ ಲಸಿಕೆ ಮತ್ತು ಬೂಸ್ಟರ್ ಡೋಸ್ ತೆಗೆದುಕೊಳ್ಳಬಹುದು ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ.